भक्तपुरको सूर्यविनायक नगरपालिका वडा नं. १० चित्तापोलमा ११ महिनाकी बालिकाको बाल्टिनमा डुबेर ज्यान गएको छ । सोमबार साँझ खेल्ने क्रममा अचानक पानी भएको २० लिटर प्लास्टिकको बाल्टिनमा डुबी अशक्त भएकी उनको ख्वप अस्पताल च्यामासिंहमा ज्यान गएको हो ।

ज्यान गुमाउनेमा सिन्धुपाल्चोक बाह्रबिसे-२ घर भई हाल चित्तापोल बस्ने गिता बस्नेतकी छोरी ११ महिनाकी नेलिस्ता बस्नेत रहेकी जिल्ला प्रहरी परिसर भक्तपुरका डिएसपी राजन कार्कीले जानकारी दिए ।

शवलाई पोष्मार्टमको लागि दुवाकोटस्थित केएमसी अस्पताल लगिएको छ । घटनास्थलमा प्रहरी वृत जगाती भक्तपुरबाट अनुसन्धान अधिकृत सहितको प्रहरी टोली खटिई गई प्रारम्भिक अनुसन्धान कार्य गरीएको र घटनाको सम्बन्धमा थप अनुसन्धान कार्य भईरहेको बृत्त प्रमुख डिएसपी दिप्ती कार्कीले बताइन् ।