भक्तपुरपोस्ट संवाददाताभक्तपुर, २५ साउन २०८१
भक्तपुर, २५ साउन २०८१भक्तपुरमा आफ्नै स्कूल बसले ठक्कर दिँदा एक बालिकाको ज्यान गएको छ । ज्यान गुमाउनेमा कक्षा १ की ६ वर्षीया बालिका कटुन्जे निवासी रियान्सी नेपाल रहेकी छन् ।
भक्तपुर-१ सल्लाघारी स्थित विद्यालयमा अध्ययनरत रियान्सी शुक्रवार घर फर्कने क्रम्मा सुनपा- ५ तिनधारे पीपलबाेट चाेकमा स्कूल बसबाट ओर्लेकी थिइन् । बाटो काट्ने क्रममा बा २ क ९९११ नम्बरको सो बसले ठक्कर दिई घाइते उनलाई डा. इवामुरा स्मृति अस्पतालमा पुर्याएपनि ज्यान बचाउन नसकिएको आफन्तले जानकारी गराए ।
बस चालक भक्तपुर जिल्ला भनपा-२ बस्ने वर्ष ५९ को कान्छा देवपाला प्रहरी वृत जगातीको नियन्त्रणमा रहेका छन् । घटना बारे अनुसन्धान भैरहेको जिल्ला प्रहरी परिसर भक्तपुरका डिएसपी राजन कार्कीले जानकारी दिए ।