भक्तपुर, ३१ साउन २०८१भक्तपुरको छ लेन सडक अन्तर्गत गठ्ठाघरमा ट्रकको चक्कामा परी स्कुटी चालकको ज्यान गएको छ । १२ चक्के मालवाहक ट्रकले किच्दा स्कुटी चालकको घटनास्थलमै ज्यान गएको हो ।
काठमाडौ बाट आइरहेको बा४९प ८९४४ नम्बरको स्कुटीलाई सोही दिशाबाट आइरहेको ना६ख २१७३ नम्बरको मालबाहक ट्रकले गठ्ठाघर बस स्टपमा ठक्कर दिई स्कुटी चालकलाई घिसारेर ज्यान लिएको भन्दै स्थानीय आक्रोशित छन् । स्थानीयको प्रदर्शनका कारण सो क्षेत्र तनावग्रस्त बनेको छ ।
दुर्घटनापछि ट्राफिक प्रहरीले पुरानो बाटो थिमि रुटमा सवारी साधन ड्राइभर्ट गरेको छ । शव चक्का मुनी बिभत्स अवस्थामा देखिन्छ । दुर्घटना दिउँसो करिब २ बजेको समयमा भएको बताइएको छ । प्रहरीले शव उठाउन सकेको छैन ।
अवस्था शान्तिपूर्ण बनाउन जिल्ला प्रशासन कार्यालयले पहल गरिरहेको छ । सबैलाई सम्यमता अपनाउन र तनावपूर्ण अवस्था सृजना भएकाे हुँदा सो क्षेत्रबाट यात्रा गर्दा सावधान रहन सिडिओ रोशनीकुमारी श्रेष्ठले आग्रह गरेकी छन् ।
बिस्तृत विवरण आउन बाकी छ ।