News Portal

  • सरकारले उद्धार नगर्दा नख्खुखोलामा बगेकाको उद्धार गर्ने माओवादी कार्यकर्ता चणिकलाल सम्मानित

    भक्तपुरपोस्ट संवाददाताभक्तपुर, १३ असोज २०८१
    ४७२ पटक
    भक्तपुर, १३ असोज २०८१

    सरकारले उद्धार नगर्दा नख्खुखोलामा बगेका मानिसलाई पौडेर उद्धार गरेका वाईसीएलका युवक चणिकलाल तामाङ सम्मानित भएका छन् ।

    पूर्वप्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले तामाङलाई ‘साहसी युवा’ को रुपमा सम्मान गरेका हुन् ।

    उनले आफ्नै निवास खुमलटारमा बोलाएर आइतबार तामाङलाई सम्मान गरेका उनका स्वकीय सचिव रमेश मल्लले जानकारी दिए । तामाङले शनिवार ललितपुर महानगरपालिका २५ सुगम टोलस्थित नख्खु खोलाले बगाएका रौतहटका ४३ वर्षीय राजु साह र उनकी छोरी ६ वर्षीया मेघनालाई उद्धार गरेर बचाएका थिए ।

    टहराको छानामाथि चढेर गुहार मागिरहेका चार जनालाई सरकारी निकायले उद्धार गर्न नसकेपछि उनीहरु टहरासँगै बगेका थिए ।

    खोलाले बगाएर झण्डै पाँच सय मिटर तल पुर्याएपछि तामाङले उर्लदो भेलमा हाम फालेर दुई जनाको उद्धार गरेका थिए । उद्धार गरिएका दुबै जनाको हाल पाटन अस्पतालमा उपचार भइरहेको छ । सँगै बगेका राजुका २२ वर्षीय भाइ पनि उत्रन सफल भए भने राजुकी छोरी ४ वर्षीया शेर्तु साहको अवस्था भने अज्ञात रहेको छ ।

    ‘साहसी युवा’ तामाङलाई सम्मान गर्दै अध्यक्ष प्रचण्डले सरकारले गर्न नसकेको काम गरेर दुई जनालाई नयाँ जीवन दिएकोमा बधाई तथा धन्यवाद दिएका स्वकीय सचिव रमेश मल्लले बताए ।

    सो अवसरमा पूर्व प्रधानमन्त्री प्रचण्डले संकटको बेला नै युवाहरुले बहादुरी देखाउनुपर्ने बताए । उनले बहादुरहरुको अर्को नाम माओवादी भएको भन्दै  चणिकलालजस्ता साहसी युवा पार्टीमा आवद्ध रहनु गौरवको कुरा भएको बताए । उनले माओवादीहरु आफ्नो ज्यानको माया नगरी समाज, देश र मानव जातिको सेवाप्रति समर्पित हुन्छन् भन्ने चणिकलाल पछिल्लो उदाहरण बनेका भन्दै खुशी ब्यक्त गरेका थिए ।

    काभ्रेको तेमाल गाउँपालिका-९ चोकटार घर भएका तामाङ सहिद परिवारका सदस्य हुन् । उनका दाई तत्कालीन जनमुक्ति सेनाका कमाण्डर चन्द्र तामाङ ‘शुक्र’ ले जनयुद्धका क्रममा सर्लाहीमा सहादत प्राप्त गरेका थिए ।

    सम्मानित भएका साहसी युवा चणिकलाल तामाङले आफू शनिबार विहान खोला हेर्न जाँदा मान्छे बगेको देखेपछि तत्काल हाम फालेर उद्धार गरेको बताए । बग्दै गरेको दुई जनाको ज्यान बचाउन सफल भएकोमा खुशी हुँदै उनले आफूले आदर्श मानेको पार्टीका अध्यक्षले स्वाबासी दिँदा खुशी दोब्बर भएको प्रतिक्रिया दिए ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...