भक्तपुरपोस्ट संवाददाताभक्तपुर, १४ असोज २०८१
भक्तपुर, १४ असोज २०८१छिमेकी जिल्ला काभ्रेका सिडिओ फेरिएका छन् । गृह मन्त्रालयले काभ्रे र धादिङका प्रमुख जिल्ला अधिकारी परिवर्तन गरेको हो ।
काभ्रेका प्रमुख जिल्ला अधिकारी सूर्यप्रसाद सेडाईको सरुवा गरि उनको ठाउँमा उमेश ढकाललाई जिम्मेवारी दिइएको गृह मन्त्रालयले जनाएको छ । मन्त्रालयले धादिङका प्रमुख जिल्ला अधिकारी राजेन्द्रदेव पाण्डेको ठाउँमा सुमन घिमिरेलाई पठाएको छ ।
असोज १० गतेदेखि परेको अविरल वर्षापछि काभ्रे र धादिङमा व्यापक जनधनको क्षति भएको छ । काभ्रेमा सबै भन्दा बढी ६६ जनाले ज्यान गुमाएका छन् । काभ्रे सिडिओ रहेका सेढाई दुई महिनादेखि बिदामा बसेका थिए ।
