विश्व शिक्षक दिवस (अक्टोबर-5) को अवसरमा भक्तपुरमा  शिक्षकहरूलाई सम्मान गरिएको छ । वि क्यान एजुकेशनल नेपाल विद्यालय संयुक्त संस्था भक्तपुरले आइतबार शिक्षकहरुलाई सम्मान गरेको हो ।

कार्यक्रममा प्रमुख अतिथी स्वास्थ्य तथा पोषणविद् डा. दया लक्ष्मी जोशीले उनीहरुलाई सम्मान गरेकी हुन् । सो अवसरमा सम्बोधन गर्दै डा जोशीले आफ्नो ४८ वर्षको शिक्षण अनुभव बाड्दै शिक्षा राम्रो हुनका लागि स्वास्थ्यको महत्त्वपूर्ण भूमिका रहनेमा जाेड दिएकी छन् । उनले शिक्षक र विद्यार्थीको स्वास्थ्यमा विशेष ख्याल गर्नुपर्ने सुझाव दिइन् । खानपान र पौष्टिक आहारको महत्त्व महत्व माथि उनलेे प्रकाश पारिन् ।

कार्यक्रम संचालक रहेका पाथीभरा एकेडमी विद्यालयका प्रध्यानाध्यापक तथा वि क्यान एडुकेसन नेपालका सचिव रमेश प्रसाद सिटौलाले दिएको जानकारी अनुसार यस वर्ष शैक्षिक रोशनी पदक र सम्मानपत्र पाउन सफल शिक्षकहरु निम्न छन्:

१. सर्मिला प्रधानाङ – पाथीभरा एकेडेमी (सृजनानगर)
२. सुनमाला योन्जन – रुबी भ्याली विद्यालय (सूर्यविनायक)
३. श्याम्देवी नकर्मी – क्रियटिभ इ. से. स्कुल (नागपोखरी)
४. शुशिला पोख्रेल – सिरिनकेन इ. स्कुल (झौखेल)
५. रिता श्रेष्ठ – जागृति शिक्षा सदन (मूलपानी)
६. अर्चना दाहाल – आरक्षण नेशनल एकेडेमी (सुडाल)
७. आकृती खड्का – माम्ती नेशनल एकेडेमी (पान्डुबजार)
८. सर्मिला सितिखु – सरस पाठशाला (जगाते)
९. जमुना सिल्पकार – रितम्भरा पाठशाला

वि क्यान एजुकेशनल नेपालका अध्यक्ष रत्न बहादुर राईले शिक्षक सम्मान कार्यक्रमले शिक्षकलाई पेशाप्रति गौरव गर्न र शिक्षणसिकाइमा थप राम्रो काम गर्न प्रेरित गर्ने बिश्वास व्यक्त गरेका छन् ।