भक्तपुर, २२ असोज २०८१नेपाल प्रज्ञा-प्रतिष्ठानमा “दसैं र माेहनीबीच भेद र समानता” विषयमा कार्यपत्र प्रस्तुत गरिएको छ । संस्कृतिविद् फणीन्द्ररत्न बज्राचार्यले कार्यपत्र प्रस्तुत गरेका हुन् ।
कार्यपत्र नेपालीको महान चाड दसैं र दसैंकरण’ हुन पुगेको नेवार जातिको एउटा महत्वपूर्ण चाड ‘मोहनी’मा केन्द्रीत रहेको छ । सो कार्यपत्रमा संस्कृतिविद् हरिशरण शर्माले टिप्पणी गरेका थिए । कार्यक्रममा उपकुलपति विमल निभाः, परिषद सदस्य डा.मधुशरण गिरी र बाबा बस्नेत उपस्थित थिए । छलफलमा शेषनारायण महर्जन, माेहिनी चित्रकार, नरेशवीर शाक्य, गेहेन्द्रगाेपाल गुरूवाचार्य, प्रतापिसंह तामाङ, राजु शाक्य, डा. बज्रमुनि बज्राचार्य, शाक्य सुरेन लगायतको सहभागिता रहेको थियो ।
सो अवसरमा दसैं र माेहनी फरक विधि, नाम, पूजापाठ, देवता, प्रकृया रहेकाे चर्चा विमर्श गरियाे । माेहनी लिच्छवि, मल्लकालदेखि पायः अर्थात खड्ग जात्रा र तुलजादेवी, कुमारीसँग जाेडिएर चल्दै आएकाे उल्लेख गर्दै गाेर्खा राज्यले उपत्यका कव्जा गरेपछि चलाएकाे दसैंको फूलपातीसंग यसको साइनो नभएको बताइएको छ ।
प्राज्ञ चेतनाथ धमलाले सञ्चालन गरेको सो कार्यक्रममा मालश्री धुनमा माेहनीकाे गीत लाेककवि राजभाइ जकःमिले माहाैल सङ्गीतमय बनाएका थिए । स्वागत मन्तव्य परिषद् सदस्य डा. मधुसुदन गिरीले गरेका थिए भने सभा मातृभाषा कोष व्याकरण विभाग प्रमुख रहेका प्राज्ञ त्रैलाेकयमान बनेपाली (अगिब)काे अध्यक्षतामा सभा सम्पन्न भएकाे थियाे ।