भक्तपुर, २५ असोज २०८१विपिराजमार्ग पुनः अवरुद्ध भएको छ । काभ्रेको रोशी-११ पिप्लेस्थित वि.पि.राजमार्गमा माथिबाट सुख्खा पहिरो आएकोले बाटो अवरुद्ध भएको हो ।
उक्त पहिरोले सिन्धुलीबाट काठमाण्डौं तर्फ आउँदै गरेको बा. ४ ख. ४३५२ नं. को बसलाई रोशी खोलामा करिब २० मिटर तल बगाएको र खोटाङबाट काठमाण्डौं तर्फ नै आउँदै गरेको ना. १ ज. ६८१७ नं. को सुमोलाई सोही स्थानमा माथिबाट आएको सुख्खा पहिरोले पुरेको प्रहरीको भनाइ छ ।
सुमोको पछाडीको भाग मात्र देखिएको अबस्थामा रहेको, मानबिय क्षती भने नभएको बताइएको छ । विपि राजमार्ग अन्तर्गत नमोबुद्ध तेमाल हुदै मंगलटार जाने कच्चि सडक खण्ड र रोशी गा.पा. -११ पिप्ले स्थित बि.पि. राजमार्गमा पुन: सुख्खा पहिरो झरीरहेकोले तत्काल दुईतर्फि सडक अवरोध भएको भन्दै यात्रा नगर्न जिल्ला प्रहरी कार्यालय काभ्रेले अनुरोध गरेको छ ।
सडक बिभाग संग समन्वय गरी बाटो खुलाउने पहल भईरहेको प्रहरीको भनाइ छ । यात्रा गर्दा सम्बन्धीत जिल्ला ट्राफिक कार्यालय वा, प्रहरी कार्यालयसंग जानकारी लिनु उत्तम हुन्छ ।
