भक्तपुरपोस्ट संवाददाताभक्तपुर, २७ असोज २०८१
भक्तपुर, २७ असोज २०८१अरनिको राजमार्ग एकतर्फि सुचारु भएको छ । गएराति करिब १० बजेदेखि अवरुद्ध काभ्रे पाँचखाल-८ पचास (५०) किलो स्थित अरनिको राजमार्ग सडक खण्ड सुचारु भएको हो ।
माथिबाट सुख्खा पहिरो आई बाटो दुई तर्फी नै अवरोध भएको थियो । उक्त स्थानमा निरन्तर पहिरो झरिरहेको कारण तत्काल बाटो खुलाउन सम्भव भएको थिएन ।
आइतबार करिब ९ बजेको समयमा स्थानिय निकाय र सडक विभाग संग समन्वय गरी जेसिबिको सहायताले पहिरो पन्छाई बाटो एक तर्फि सुचारु गरिएको जिल्ला प्रहरी कार्यालय काभ्रेका सूचना अधिकारी रहेका डिएसपी मिन बहादुए घलेले जानकारी दिएका छन् । थप कार्य भैरहेको उनको भनाइ छ ।