भक्तपुर, ११ कार्तिक २०८१महिला फुटबलको साफ च्याम्पियनशिपमा नेपाल फ़ाइनलमा प्रवेश गरेको छ । आज भएको सेमिफाइनलमा नेपालले भारतलाई टाइब्रेकर(पेनाल्टी सुट)मा पराजित गर्दै फाइनलको यात्रा तय गरेको हो ।
निर्धारित समयमा १–१ गोलले बराबरी भएपछि खेल टाइब्रेकरमा पुगेको थियो । टाइब्रेकरमा नेपालले ४–२ को अग्रता हासिल गर्दै बिजयी बनेको छ ।
खेलको दोश्रो हाफको ७१ औं मिनेटमा भारतीय टोलीले गोल गरेको थियो । सो खुशी मनाउन नपाउँदै रेफ्रीले खेल शुरु गरेपछि नेपालले गोल फर्काएको थियो। तर, गोललाई पहिले मान्यता दिएपनि पछि मान्यता नदिने निर्णय भएपछि तनाव उत्पन्न भएको थियो र खेल अवरुद्ध भएको थियो ।
पछि पुन सुचारु खेलमा नेपालले गोल फर्काएको हो । सावित्रा भण्डारी साम्बाले उक्त गोल गरेकी हुन्। दोश्रो हाफको ७१ औं मिनेटमा भारतका लागि संगीताले गोल गरेकी थिइन् ।
यस अघि नै नेपाली खेलाडी रेखा पौडेलले दोहोरो पहेँलो कार्ड खाँदै बाहिरिनु परेपछि घरेलु दर्शक आक्रोशित बनेका थिए र त्यतिबेला पनि खेल रोक्नुपरेको थियो । साफ च्याम्पियनशिप प्रतियोगिता दशरथ रंगशालामा भैरहेको छ । घरेलु दर्शकले रंगशाला खचाखच भरिएको थियो ।