भक्तपुरपोस्ट संवाददाताभक्तपुर, १२ कार्तिक २०८१
भक्तपुर, १२ कार्तिक २०८१भक्तपुरको चाँगुनारायण नगरपालिकाले राष्ट्रिय परिचय पत्र वितरण शुरु गरेको छ । सोमबारबाट राष्ट्रिय परिचय पत्र वितरण शुरु गरिएको हो ।
पहिलो सेवाग्राहीका रूपमा वडा नम्बर २ का टीकाकृष्ण शर्माले राष्ट्रिय परिचय पत्र पाएका छन् । शर्मालाई राष्ट्रिय परिचय पत्र प्रदान गर्दै मेयर जीवन खत्रीले राष्ट्रिय परिचय पत्र वितरण शुरु गरिएको घोषणा गरेका हुन् ।
आर्थिक वर्ष २०७७/७८ मा विवरण संकलन भएकाहरुको राष्ट्रिय परिचय पत्र तयार भएर आएको र सोमबारबाट वितरण शुरु भएको सामाजिक विकास शाखा प्रमुख निला घिमिरेले बताइन् ।
पहिलो चरणमा ३० हजार राष्ट्रिय परिचय पत्र वितरण गरिने घिमिरेले बताएकी छन् । मोबाइलमा संदेश आएपछि मात्र राष्ट्रिय परिचय पत्र संकलनका लागि नगरपालिकामा सम्पर्क गर्न घिमिरेले आग्रह गरेकी छन् ।