रुकुमपूर्व, ५ मंसिर २०८१मंसिर १६ मा हुने उपनिर्वाचनको मतदान अगावै नेकपा(माओवादी केन्द्र)ले बिजय प्राप्त गरेको छ । उम्मेदवारी मनाेनयनसँगै रुकुमपूर्वमा नेकपा (माओवादी केन्द्र)का वडाध्यक्ष उम्मेदवार निर्विरोध निर्वाचित भएका छन् ।
पुथा उत्तरगङ्गा गाउँपालिका २ को वडा अध्यक्ष पदमा जगत घर्ती निर्बिरोध निर्वाचित भएका हुन् । काग्रेस एमालेको तर्फबाट संयुक्त उम्मेदवारी दिएका एमाले उम्मेदवार जीवन रोका र स्वतन्त्र उम्मेदवार रहेका शुक्रराज शिर्पालीले उम्मेदवारी फिर्ता लिएर माओवादी केन्द्रका उम्मेदवार जगत घर्तीलाई समर्थन गरेपछि पुथाउत्तरगंगा पुथा उत्तरगङ्गा गाउँपालिका-२ बाट माओवादी केन्द्रले बिजयको खाता खोलेको छ ।
यस अघि पनि सो वडा माओवादी केन्द्रले नै जितेको थियो र अध्यक्षको दुर्घटनामा मृत्युु भएकोले सो पद रिक्त भएको थियो । रुकुमपूर्व माओवादी केन्द्रको गढको रुपमा रहँदै आएको छ । सत्तारुढ गठबन्धनबाट एमाले उम्मेदवार जीवन रोकाले उम्मेद्वारी दिएको भएता पनि जित्ने आधार नदेखेपछि उम्मेद्वारी फिर्ता लिएर माओवादी केन्द्रका जगत घर्तीलाई समर्थन गरेका थिए ।