भक्तपुर, २० मङ्सिर २०८१भक्तपुरका सहायक प्रमुख जिल्ला अधिकारी डोरेन्द्र निरौलाको सरुवा भएको छ । गृह मन्त्रालय सिंहदरवारमा सरुवा भएका निरौलाले बुधबार रबाना लिएका छन् ।
जिल्ला प्रशासन कार्यालय भक्तपुरले बिदाइ कार्यक्रम गर्दै उनको कार्यकालको स्मरण गरेको छ । प्रमुख जिल्ला अधिकारी गोपालप्रसाद अर्यालले अब्बल र बिबादरहित कार्यसम्पादन गरेको भन्दै निरौलाको प्रशंसा गरेका छन् ।
निरौला १९ महिना जिल्ला प्रशासन कार्यालय भक्तपुरमा सहायक प्रमुख जिल्ला अधिकारीको जिम्मेवारीमा रहँदा एक साता मात्र बिदामा बसेका भन्दै कर्मचारी बृत्तमा उनको चर्चा भएको थियो । कार्यसम्पादनमा निष्पक्षता र पहुँच बिहीन सेवाग्राहीलाई अझ प्राथमिकता दिने निरौलाको स्वभाव अनुकरणीय रहेको कर्मचारीहरुले बताए ।
सूचना अधिकारीको रुपमा स्पष्ट र सूचनामैत्री रहेका निरौला बजार अनुगमन प्रमुखका रुपमा कालाबजारी नियन्त्रणमा क्रियाशील रहेका थिए । विपद ब्यवस्थापन, शान्ति सुरक्षा लगायतका काममा समन्वयकारी भूमिका निभाएका निरौलाले ३ जना प्रमुख जिल्ला अधिकारीलाई सघाउने मौका पाए ।
उनको ठाँउमा गृह मन्त्रालयबाट चिरञ्जीवी भण्डारीको सरुवा भएको छ ।