भक्तपुर, १० माघ २०८१नेसनल प्याब्सन भक्तपुर अन्तर्गत अन्तर विद्यालय हाजिरीजवाफ प्रतियोगिता-२०८१ सम्पन्न भएको छ । सिरिन केन स्कुलको आयोजनामा सम्पन्न प्रतियोगितामा नेशनल प्याब्सनमा आवद्ध विद्यालयका माध्यमिक तहका विद्यार्थी सहभागी भएका थिए ।
प्रतियोगितामा सूर्यविनायक-८ स्थित मदरल्याण्ड स्कुल प्रथम भएको छ भने ईडेन गार्डेन स्कूलले द्वितीय स्थान ओगट्नु सफल भएको छ । त्यस्तै चाँगुनारायणकाे आरक्षण नेसनल स्कुल तेस्रो बन्न सफल हुँदा
कमलविनायकको पारागन एकेडेमीले सान्त्वनामै चित्त बुझाउनु परेको छ ।
दुई समूहमा विभाजन गरी संचालन भएको प्रतियोगितामा पहिलो ग्रुपमा ९ वटा विद्यालय र दोश्रो ग्रुपमा ७ वटा गरी १६ वटा विद्यालयले प्रतिस्पर्धा गरेका थिए । अन्तिम फाइनल राउन्डमा प्रवेश गर्न सफल ६ वटा विद्यालय बीच प्रतिस्पर्धा भएको थियो ।
प्रतियोगिताले बालबालिकामा सामान्य ज्ञान राख्नुपर्ने हरेक विषयमा चासो बढ्ने नेशनल प्याब्सन भक्तपुरका अध्यक्ष संजय खड्काले बताएका छन् ।