भक्तपुर, १३ माघ २०८१नेपाल निजामती कर्मचारी युनियन भक्तपुरमा नयाँ नेतृत्व निर्वाचित भएको छ । युनियनको नवौं अधिवेशनले निरज चक्रधरको अध्यक्षतामा १३ सदस्यीय नयाँ कार्यसमिति निर्वाचित भएको हो ।
अध्यक्ष चक्रधर मध्यपुर थिमि नगरपालिकामा कार्यरत कर्मचारी हुन् ।
अधिवेशनले उपाध्यक्ष खुला दिपक कोइराला, उपाध्यक्ष महिला प्रभा रेग्मी, उपाध्यक्ष समावेशीमा श्रीकृष्ण प्रजापतिलाई निर्वाचित गरेको निवर्तमान अध्यक्ष सुरज पौडेलले बताए ।
यस्तै, सचिवमा रजिया चौधरी, सहसचिवमा हिमाल घर्ती मगर र कोषाध्यक्षमा जमिन अधिकारी निर्वाचित भएका छन् ।
सदस्यहरुमा सिताराम प्याकुरेल, विष्णुहरी थापा, दिलबहादुर राजबाहक, यज्ञराज चौधरी र सुदिपा खड्का निर्वाचित भएका छन ।
केन्द्रीय महाधिवेशन प्रतिनिधिमा सुरज पौडेल, बलराम तिमिल्सिना, राजिब श्रेष्ठ, सरिता उपाध्याय र मोहनप्रसाद धिताल निर्वाचित भएका छन् भने प्रदेश प्रतिनिधिमा सत्यनारायण ध्वजू, ईश्वर कुमार पाण्डेय, आशा माझी, गोकुलबाबु रेग्मी र जगदिश थापा रहेका छन् ।
अधिवेशनको उद्घाटन प्रतिनिधि सभा सदस्य समेत रहेका नेपाली कांग्रेस भक्तपुरका सभापति दुर्लभ थापाले गरेका थिए । उनले नेपाल निजामती कर्मचारी यूनियनमा आवद्ध कर्मचारीले अरुले भन्दा बढी जनताको सेवा गर्नुपर्नेमा जोड दिए ।