भक्तपुरपोस्ट संवाददाताभक्तपुर, ७ फागुन २०८१
भक्तपुर, ७ फागुन २०८१भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा आफ्नै साथीको घरमा मृत फेला परेका हुन् ।
२१ वर्षीय साथी बादल तामाङको घरमा सुतेका निरोज मंगलबार दिउँसो मृत फेला परेका थिए । सो घरमा रातभर ब्रतबन्धको भोज चलेको थियो र निरोज भोज खाएर सुतेका अबेर सम्म नउठेपछि हेर्दा मृत फेला परेका एक स्थानीयले जानकारी गराए ।
प्रहरीले बादललाई पक्राउ गरि अनुसन्धान अघि बढाएको छ । बादलले छुट्टाछुट्टै कोठामा सुतेकोले मृत्युबारे थाहा नभएको बताएका प्रहरी श्रोतले जनाएको छ ।
घटनाबारे अनुसन्धान भइरहेको जिल्ला प्रहरी परिसर भक्तपुरले जनाएको छ ।