काठमाडौँ, ६ जेठनेपाल कम्युनिष्ट पार्टीको केन्द्रिय सदस्य बन्न नेताहरु लालाहित देखिएका छन् । आफूलाई केन्द्रमा राखेर आफ्नो नाम अनलाइन संचार माध्यमहरुमा राख्न लगाउनेदेखि बधाई खान समेत उनीहरुले भ्याइसकेका छन् ।
पार्टी एकताको घोषणा कार्यक्रममा नेकपाका एक अध्यक्ष पुष्पकमल दाहाल प्रचण्डले उनको पहिलेको पार्टीमा नेताहरु पहिले मर्नको लागि प्रतिष्पर्धा गर्नेमा अहिले पदको लागि प्रतिस्पर्धा गर्ने गरेको भनेर चिन्ता व्यक्त गरिरहदा नयाँ निर्माण भएको पार्टी नेकपामा यो रोग झन् चौखण्ड देखिएको छ ।
विसं २००६ सालमा पुष्पलालको नेतृत्वमा गठित साम्यवादी दल नेकपा टुट्फुट् हुदै आएकोमा २० हजार ४ सय ४१ दिनपछि एकता प्रक्रिया सम्पन्न भै एसियाकै तेस्रो ठुलो दल बन्न सफल भएको छ । संयोगबस नेकपाको केन्द्रिय सदस्य संख्या पनि ४ सय ४१ नै तय भएको छ ।
केहि केन्द्रिय सदस्य पद यतिबेला रिक्त छ र नेतृत्व त्यसको चयनमा जुटेको छ । केन्द्रिय सदस्यमा आफूलाई पार्न नेतागणले गरेको प्रचारबाजीले यतिबेला सामाजिक संजाल रंगिएको छ । नेतृत्वको नजरमा पार्न नेताहरु आफै आफ्नो प्रचारप्रसारमा लागेको दृश्य दयनीय देखिएको छ ।