News Portal

  • नरम स्वभावका गृहमन्त्री बादल गर्जिएपछि आत्तिए यातायात व्यवसायी

    इभक्तपुर संवाददाताभक्तपुर, २१ बैशाख
    ३३५ पटक
    भक्तपुर, २१ बैशाख

    सरकारले यातायातलाई कम्पनीमा दर्ता गराउनुपर्ने गरी मापदण्ड बनाएपछि यातायात व्यवसायीले यातायात ठप्प पारे । सडकमा निजी, कम्पनीमा दर्ता भएका साझा, मयूर, अन्नपूर्ण, महानगर, धूम्रबराहलगायत कम्पनीका केही सवारीमात्र गुडे ।

    ‘रुट परमिट’ लिएका यातायात व्यवसायीले सार्वजनिक सवारी नचलाउँदा यात्रु सडकमा हिँड्न बाध्य भए ।

    संघसंस्था ऐन, २०३४ अनुसार सामाजिक संस्था खोलेर जनताले तिरेको करबाट बनेको सडकमा सेवाका नाममा एकाधिकारको व्यापार गर्दै आएका व्यवसायीले आफ्ना नाजायज माग पूरा गराउन यातायात नचलाएका हुन् ।

    यातायात अबरुद्ध हुदा सर्वसाधारण यात्रुले सास्ती पाएपछि ७७ वटै सीडीअाे र प्रहरी प्रमुखलाई सिन्डीकेट हटाउने सरकारी निणर्यको विरोध गर्दै यातायात ठप्प पार्ने यातायात ब्यावसायीलाई पक्राउ गरी आवश्यक कारबाही गर्न गृहमन्त्री रामबहादुर थापा बादलले निर्देशन दिएका छन् ।

    मन्त्री थापाले गृहसचिव, प्रहरी प्रमुख र ७७ वटै जिल्लाका प्रमुख जिल्ला अधिकारीलाई हड्तालमा उत्रिएका व्यवसायी समितिहरुका पदाधिकारीलाई पक्राउ गर्न निर्देशन दिएका उनको स्वकीय सचिवालयले बताएको छ । सचिवालयका अनुसार सरकारले सार्वजनिक सवारी–साधन बन्द गर्ने यातायात व्यवसायी समिति र संघका पदाधिकारीको सम्पति छानवीन गर्ने र बैंक खातासमेत बन्द गर्ने निर्णय गरेको छ ।

    हड्तालमा उत्रिएका यातायात व्यवसायीहरुलाई पक्राउ गर्न गृहमन्त्री रामबहादुर थापा बादलले निर्देशन दिएलगत्तै आज देशभरिबाट दर्जनौं व्यवसायीहरु पक्राउ परेका छन् । ‘रुट परमिट’ लिएर सम्बन्धित मार्गमा नचलाउने सवारीको मार्ग अनुमतिपत्र खारेज पनि गरिएको छ भने सडकका साढे जस्ता बनेका समिति खारेज हुने भएका छन् ।

    नरम मिजासका गृहमन्त्री रामबहादुर थापा बादलको गर्जनले यातायात व्यवसायीहरु आत्तिएका छन् । उनीहरुलाई आजको हड्ताल ‘ भालूको कन्पट’ जस्तै भएको छ ।

    बादलले यसअघि नै यातायातमा अवरोध गरे प्रहरीले चाबी खोसेर यातायात सुचारु गर्ने चेतावनी दिँदै आएका छन् ।

    अपडेट :  सरकार गलाउन गरेको हड्ताल उल्टै प्रत्युत्पादक भएपछि सिण्डिकेट पक्षधर यातायात व्यवसायीहरुले शनिबारदेखि सदा झैँ नियमित सेवा शुरु गरेका छन ।

    हेर्नुस बिज्ञप्ती

    प्रतिकृया दिनुहोस्

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...

    सिनामंगलस्थित सेन्ट्रल कलेजमा विद्यार्थीका लागि विशेष कार्यक्रम

     सिनामंगलस्थित सेन्ट्रल कलेजमा नयाँ भर्ना भएका विद्यार्थीका लागि स्वागत कार्यक्रम सम्पन्न भएको छ । स्नातक...

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...