News Portal

  • इट्टाभट्टाले बनाएको खाल्डोमा डुबेर १० वर्षिय बालकको मृत्यु

    १२१० पटक

    सर्लाही, ७ साउन । लालबन्दी नगरपालिका वडा नम्बर- २ अन्तर्गत पर्ने पुर्नवासमा एक बालकको डुबेर मृत्यु भएको छ । पुनर्वासको सी टोलमा एक १० वर्षिय बालकको खाल्डोमा डुबेर ज्यान गएको हो ।

    ज्यान जानेमा स्थानीय सञ्जय पासवानका १० वर्षीय छोरा आशिष पासवान रहेका छन् । घर नजिकैको सूर्य इँटाभट्टाको खाल्डोमा डुबेर उनको ज्यान गएको सर्लाही प्रहरीले जनाएको छ ।

    हराइरहेको बालकलाई खोज्ने क्रममा गए राति ९ बजे खाल्डोमा डुबेको अवस्थामा फेला पारिएको थियो । खाल्डोबाट तत्काल उद्धार गरी लालबन्दीस्थित अस्पताल पु¥याए पनि उनलाई चिकित्सकले मृत घोषणा गरिदिएका थिए ।

    इँटाभट्टाले जथाभावी खाल्डो खनेको र तारबारले व्यवस्थित नगर्दा दुर्घटना भएको भन्दै स्थानीय आक्रोशित बनेका छन् ।

    यसैबीच सर्लाहीमा मोटरसाइकलको ठक्करबाट गम्भीर घाइते एक महिलाको मृत्यु भएको छ । सोमवार ईश्वरपुरमा भएको दुर्घटनामा परी घाइते महिलाको मृत्यु भएको हो ।

    नरेशखोरबाट बयलवास बजारतर्फ जादै गरेको ना २३ प नंको मोटरसाइकलले सोमबार २ महिलालाई ठक्कर दिएको थियो । बाटो छेउमा बसिरहेका ठक्करबाट ईश्वरपुर नगरपालिका–५ नरेशखोरका स्थानीय ३८ वर्षीया शान्तिदेवी महतो र ४५ वर्षीया कवुतरदेवी महतो घाइते भएका थिए । उनीहरुलाई धनुषास्थित लालगढ अस्पताल पुर्याइएको थियो ।

    घाइतेमध्ये कवुतरदेवीको मृत्यु भएको प्रहरीले जनाएको छ । अर्की शान्तिदेवीको भने उपचार भैरहेको बताइएको छ ।

    प्रतिकृया दिनुहोस्

    चारैवटा नगरको नेतृत्व चयनका लागि भक्तपुरमा कांग्रेसका दुई पक्ष भिड्दै, आइतबार नै छिनोफानो

    नेपाली कांग्रेसको  नगर अधिवेशनमा नेतृत्व चयनका लागि भक्तपुरमा चुनावी भिडन्त हुने भएको छ । चारैवटा...

    बाटीको नेतृत्वमा बन्यो एकीकृत समाजवादीको ३१ सदस्यीय भक्तपुर नगर कमिटी

    माधव नेपाल नेतृत्वको नेपाल कम्युनिष्ट पार्टी (एकीकृत समाजवादी)ले भक्तपुर नगर कमिटी बिस्तार गरेको छ ।...

    शासक दलहरु एमसीसी पास गर्ने मौका पर्खिरहेका छन् : गोसाई

    नेपाल मजदुर किसान पार्टीले शुक्रबार चामुण्डा–विन्द्रासैनी नगरपालिकाको जम्मुकाँध बजारमा जुलुस प्रदर्शन तथा सभाको आयोजना गरेको...

    भक्तपुरमा घरेलु फोहरलाई प्रांगारिक मल बनाउने सम्बन्धी तालिम

    भक्तपुर नगरपालिकाले घरेलु फोहरलाई प्रांगारिक मल बनाउने सम्बन्धी तालिम दिएको छ । रिकिसी कम्पोष्ट प्रा.लि....

    लोग्नेस्वास्नी नै लागू औषध कारोबारी, पाँच तहसम्मका कारोबारी पक्राउ गरिएको प्रहरीको दावी

    भक्तपुर प्रहरी लागू औषधको पाँच तहसम्मका कारोबारी पक्राउ गर्न सफल भएको छ । करिब २...