News Portal

  • भवन बनेपछि विद्यार्थी फुरुंग

    भक्तपुरपोष्ट संवाददाता२ चैत २०७६
    ४४८ पटक
    २ चैत २०७६

    दैलेख । जब चैत, वैशाख सुरु हुन्थ्यो, दैलेखको गुराँस गाउँपालिका–६ पिलाडीस्थित नमुना माध्यमिक विद्यालय विद्यार्थीहरू विद्यालयको संरचनाको कारण बिचल्ली हुनु पथ्र्यो । विद्यार्थीहरू बिहान स्कुल जाने तर मौसम परिर्वतन हुने संकेत पाए भने स्कुलमा बस्ता असुरक्षित महसुस गर्दे आधा पढाई छाडेर घर तर्फ लाग्ने गर्थे ।

    २०१६ सालमा स्थापित उक्त विद्यालयमा हेरक वर्ष चैतदेखि असारसम्ममा विद्यालयको छानो हावाहुरीले उडाउँदा र वर्खायाममा टिनको पाताबाट पानी चुहिने हुँदा विद्यालयको पठन–पाठन प्रभावित हुने गरेको थियो ।

    खराब मौसममा कहिलेकाहीँ विद्यालय बन्द गर्नुपर्ने बाध्यतासमेत रहेको थियो । यस विद्यालयमा हावाहुरीकै कारणले वर्र्सेनी टिन फेर्नु पर्ने बाध्यता हटेको छ । हाल यस विद्यालयमा पक्की भवन भनेपछि विद्यार्थीले ढुक्कसाथ पढ्न पाएका छन् ।

    विद्यालय डाँडामा भएको कारणले सधैँ टिन फेर्नुपर्ने भएपछि अहिले त्यस डाँडामा पक्की भवन बनाइएको हो । शैक्षिक गुणस्तर बढाउने र नमुना विद्यालयकोरूपमा विकास गर्ने उद्देश्यले गतवर्ष कर्णाली प्रदेश सरकारले यो विद्यालयका लागि ५० लाख बजेट विनियोजन गरेको थियो ।

    उक्त बजेटबाट २०७५ माघ १५ देखि काम सुरु भई २०७६ भदौमै ६ कोठे पक्की भवन निर्माण गरिएको छ । समयमै भवन निर्माण सम्पन्न भएपछि भदौदेखि कक्षा ६ देखि १० सम्म सञ्चालन भइरहेको प्रधानाध्यापक कृष्णकुमार रानाले बताए । ‘नयाँ भवनमा पढ्न पाएपछि विद्यार्थी निकै उत्साहित छन्,’ उनले भने, ‘भूकम्प प्रतिरोधीसमेत भएकाले सुरक्षित रूपमा पठनपाठन गर्न पाएका छौँ ।’

    भवनको भवनको ४ गते कर्णाली प्रदेश सरकारका सामाजिक विकासमन्त्री दल रावलले उद्घाटन गरेका थिए । नयाँ भवनमा अध्यापन सुरु भएपछि पहिलेको भन्दा धेरै सहज भएको र अब विद्यालयको छाना उडेर बिचल्ली हुनु नपर्ने विद्यार्थीहरूले बताएका छन् ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...