भक्तपुर, २७ वैशाख २०७८आज कोरोना भाइरसको संक्रमणबाट छालिङ्गमा एकको मुत्यु भएको छ । संक्रमित चाँगुनारायण नगरपालिका वडा नम्बर ५ का एक पुरुष हो । कोरोना संक्रमण देखिएपछि उनी होम आइसोलेशनमा बस्दै आएका थिए ।
यो संगै काठमाडौं उपत्यकामा आज थप ३ हजार ६०७ जनामा कोरोना संक्रमण पुष्टि भएको छ । आज काठमाडौंमा २ हजार ७७५ जना, भक्तपुरमा ३२७ जना र ललितपुरमा ५०५ जनामा संक्रमण देखिएको हो । पछिल्लो विवरण अनुसार काठमाडौंमा मात्रै सक्रिय संक्रमितको संख्यामा २९ हजार ७१ रहेको छ ।
काठमाडौंमा हालसम्म निको भएकाहरुको संख्या १ लाख १७ हजार ८२८ रहेको छ भने ८६३ जनाले ज्यान गुमाएका छन् ।
त्यस्तै, भक्तपुरमा मात्रै सक्रिय संक्रमितको संख्यामा ४ हजार ११२ रहेको छ । भक्तपुरमा हालसम्म निको भएकाहरुको संख्या १० हजार १६९ रहेको छ भने १७६ जनाले ज्यान गुमाएका छन् ।
यसैगरी, ललितपुरमा सक्रिय संक्रमितको संख्यामा ६ हजार २८० रहेको छ । ललितपुरमा हालसम्म निको भएकाहरुको संख्या १८ हजार २६९ रहेको छ भने २४७ जनाले ज्यान गुमाएका छन् ।