प्रदेश नं ३ प्रदेशसभा उपसभामुखका लागि प्रदेशसभा सदस्य राधिका तामाङको एक मात्र उम्मेदवारी दर्ता भएको छ । उपसभामुख पदको प्रस्तावकमा नेकपा (एमाले) संसदीय दलका नेता डोरमणि पौडेल र नेकपा (माओवादी केन्द्र) संसदीय दलका उपनेता कुमारी मोक्तानले समर्थन गरेकी थिइन्।

नुवाकोट १ (क) बाट प्रदेशसभामा निर्वाचित ३४ वर्षीय तामाङ शिवपुरी गाउँपालिका–३ की बासिन्दा हुन् । पार्टीका केन्द्रीय सदस्य एवम् पूर्व कृषि राज्यमन्त्री तामाङ सशस्त्र युद्धकालका बेला नुवाकोट जनसरकार प्रमुख रहेकी थिइन् ।

यसैबीच अहिले यसअघि नै सभामुखमा निर्विरोध निर्वाचित एमालेका सानुकुमार श्रेष्ठलाई संसद् सचिवालयमा शपथ गराइदै छ । प्रदेश नं ३, प्रदेशसभामा कूल १ सय १० सदस्य रहेका छन् ।