News Portal

  • मानव बेचबिखन तथा ओसारपसार नियन्त्रण राष्ट्रिय समिति सदस्यमा के. आई. नेपाल मनोनित

    इभक्तपुर संवाददाताकाठमाडौं, २२ चैत
    ८९३ पटक
    काठमाडौं, २२ चैत

    मानव बेचबिखन तथा ओसारपसार नियन्त्रण राष्ट्रिय समिति सदस्यमा के. आई. नेपाल मनोनित भएको छ । मानव बेचबिखन तथा ओसारपसार नियन्त्रण ऐन, २०६४ को दफा २३ तथा नियमावली, २०६५ को नियम बमोजिम गठन हुने मानव बेचबिखन विरुद्धको राष्ट्रिय समितिमा के. आई. नेपाल मनोनित भएको हो ।

    विगत १० बर्षदेखि मानव बेचबिखन र लैङ्गिक हिंसा अन्त्यका लागि कार्य गर्दै आइरहेको सामाजिक संस्था के.आई. नेपाललाइ मन्त्रीपरिषद निर्णयबाट उक्त समितिमा मनोनित गरिएको हो ।
    मानव बेचबिखन तथा ओसारपसार विरुद्ध कार्यरत संस्था वा व्यक्तिमध्येबाट महिला बालबालिका तथा जेष्ठ नागरिक मन्त्रालयले मनोनित गर्ने ३ जना सदस्यहरुका निम्ति २०७४/१२/१६ को मन्त्रीस्तरीय निर्णय अनुसार के.आई नेपाललाई राष्ट्रिय समितिको सदस्यमा मनोनयनमा परेको जनाइएको छ ।
    राष्ट्रिय समितिको सदस्यमा मनोनयन भएसँगै के.आई. नेपाललका कार्यक्रम निर्देशक इन्द्रराज भट्टराईले आफुहरुमा थप जिम्मेवारी आएको बताएका छन । मानब बेचबिखन तथा ओसारपसार नियन्त्रणका लागि पाएको जिम्मेवारी संस्थाले अझै प्रभावकारी रुपमा पूरा गर्ने उनले प्रतिवद्धता समेत व्यक्त गरे ।

    हाल मानव बेचविखनको स्वरुप बदलिदै गईरहेको अवस्थामा नेपाल भारत सीमामा रहेर सीमा निगरानी, सूचना सम्प्रेषण, परामर्श, भारत लगायत तेस्रो मुलुकमा विभिन्न बाहानामा तथा रोजगारीको शिलशिलामा अलपत्र अवस्थामा रहेकाहरुको उद्धार गर्ने, उद्धार गरिएका महिला तथा बालबालिकाको पुनर्स्थापना गरी सुरक्षित आवास सेवा र सीप विकास तालिम प्रदान गरी परिवारमा पुनर्मिलन गराउने र व्यवसाय संचालनमा मद्दत गरी आत्मनिर्भर बनाउन सहयोग गर्ने, तथा समुदायमा सचेतनामूलक कार्यक्रम सँगसँगै व्यवसायिक तालिम तथा महिला सशक्तिकरणका कार्यक्रमहरू संचालन गर्दै आइरहेको भट्टराइले भनेका छन ।
    आ.व २०७३ / ७४ को तथ्यांक अनुसार यस संस्थामार्फत ४६६ जना महिला तथा बालिकाको उद्धार गरी परिवारमा पुनर्मिलन गराउने कार्य यस संस्था मार्फत भएको छ साथै भारतका विभिन्न ठाउँहरुबाट छ महिनाको अवधिमा ५ महिला र ३ किशोरीको उद्धार गर्न संस्था सफल रहेको जानकारी गराइएको छ ।

    प्रतिकृया दिनुहोस्

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  खाइजूको आफ्नै जीवन संस्मरण समेटिएको पुस्तक...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...