News Portal

  • गगन थापाको नारा:”म बन्छु जिम्मेवार,कर्तब्य संगै अधिकार “

    ८२३ पटक

    काठमाडौं । नयाँ वर्षको अवसर पारेर काँग्रेस नेता तथा काठमाडौ ४ का सांसद गगनकुमार थापाले शनिबार आफ्नो क्षेत्रमा नयाँ अवधारणा सहितको अभियान सुरु गरेका छन् ।

    गत वर्ष २०७४ को पहिलो दिन स्वास्थ्य मन्त्री भएकाले पाँच प्रतिवद्धता सहितको “मेरो स्वास्थ्य मेरो वर्ष” अभियानको सुरुवात गरेका थापाले शनिबार आफ्नो निर्वाचन क्षेत्रमा नयाँ अवधारणा सहितको सरसफाई अभियान सुरु गरेका हुन् ।

    सांसद थापाले स्थापना गरेको काठमाडौ ४ को सांसदको कार्यालयद्धारा आयोजित “म बन्छु जिम्मेवार, कर्तव्यसँगै अधिकार” नामक अभियानको शताब्दी पुरुष सत्यमोहन जोशीले प्रारम्भ भएको घोषणा गरेका थिए । कार्यक्रममा शताब्दीपुरुष जोशीले चार नम्वर क्षेत्रमा सुरु गरिएको यो अभियान मेचीदेखि महाकालीसम्म गाउँपालिकादेखि संघीय सरकारसम्मले अनुकरण गर्न अत्यावश्यक रहेको बताए ।

    कर्तव्यमा जोड दिने कतव्र्यसहितको अधिकार बोध गराउने अभियानलाई सबैले मनन गरियो भने देश बनिछाड्ने उनले विश्वास व्यक्त गरे । कार्यक्रममा सांसद थापाले नयाँ वर्षलाई कर्तव्यको वर्ष बनाउन आह्वान गर्दै वर्षभरि आफ्ना गतिविधिलाई अधिकारभन्दा कर्तव्यको दृष्टिकोणबाट हेर्न आग्रह गरे ।

    हाम्रा कुनै पनि धर्मले कर्तव्य बिनाको अधिकारलाई नमान्ने चर्चा गर्दै उनले कर्तव्य पूरा गर्ने मात्रै अधिकारको हकदार हुने तर्क गरे। अधिका प्रति म जति सचेत रहन्छु, कर्तव्यप्रति पनि त्यति नै सचेत रहने छु भन्ने साेंच र अठोट नयाँ वर्षका अवसरमा लिन उनले आग्रह गरे ।

    अभियानलाई कुनै राजनीतिक दल, संस्थाको मात्र नभई सम्पूर्ण जिम्मेवार नागरिकको अभियानका रुपमा लिन थापाले आह्वान गरे ।

     

    प्रतिकृया दिनुहोस्

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...

    ४ चिनियाँ नागरिक भक्तपुरमा पक्राउ

    भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ...

     नेपालमा सुनको नयाँ किर्तिमान

    नेपाली बजारमा सुनको मूल्यले नयाँ किर्तिमान बनाएको छ । विहिबार सुन तोलामा १८ सयले बढेर...