सर्लाही, २३ असारसर्लाहीको हरिवनमा अक्सिजनको कमि हुँदा एक मजदुरको ज्यान गएको छ । सेफ्टीट्यांकी भित्र पसेका मजदुरको ज्यान गएको हो ।
हरिवन – ११ माछा बजार नजिक इन्द्र बहादुर श्रेष्ठले आफ्नो घरमा बनाएको ट्वाईलेट (शौचालय ) को सेफ्टिट्यांकी निर्माण गरि सकि सेफ्टीट्यांकि बनाउदा प्रयोग गरिएको काठ निकाल्न पसेका मजदुरको अक्सिजन अभावका कारण निसास्सिएर ज्यान गएको सर्लाही प्रहरीले जनाएको छ ।
”शनिवार बिहान हरिवन -५ घुर्कौली घर भएका ३५ वर्षीय श्याम बहादुर जिम्बा काठ निकाल्न सेफ्टीट्यांकी भित्र छिरेका थिए । जिम्बा बेहोस भएर ढले पछि उनलाई निकाल्न हरिवन नगरपालिकाको जेसीभी ल्याइएको थियो । जेसीभीको सहायताले जिम्बालाई बाहिर ल्याउन सकिएता पनि उनको ज्यान भने बच्न सकेन ।
” प्रेसर लो भएको शरीर र अक्सिजनको अभावमा बेहोस भएर ढले पछि हरिवन नगरपालिकाको जेसीभी लगाएर जिम्बालाई निकालियो तर निकाल्दा त ज्यान गईसकेको रहेछ ।” नाम नबताउने सर्तमा एक प्रत्यक्षदर्शीले बताए ।
अन्दाजी २०-२५ फीट गहिरो सेफ्टीट्यांकीमा पसेका जिम्बाको ज्यान गएपछि उनको परिवार आशुमा डुबेको छ ।
जिल्ला अस्पताल मलङ्गवामा पोष्ट्मार्टम पछि अहिले जिम्बाको शव आफन्तलाई बुझाई सकिएको इलाका प्रहरी कार्यालय हरिवनका प्रहरी निरीक्षक रामकाजी थापाले जानकारी गराए ।