सर्लाही, २८ भदाैसर्लाहीको हरिवन चोकदेखि धार्मिक पर्यटकीय स्थल कैलाशपुरी मन्दिर सम्मको बाटो १८ फिटबाट बढेर ३५ फिट हुने भएको छ ।
केही दिन अघि नगरपालिका कार्यालयमा बसेको सर्वपक्षीय भेलाले बाटोलाई फराकिलो बनाउने निर्णय गरेको हरिवन नगरपालिकाका प्रमुख प्रसासकिय अधिकृत टिकाराम ढकालले बताए ।
हरिवन चौकदेखि उतर करीव ५ किमी सडक फराकिलो बनाउनुको साथै कालो पत्रे पिच समेत हुने निर्णय भएको ढकालले जानकारी गराए । सडक पिच गर्नको लागि केन्द्रिय सरकारको करिब ५ करोडको लगानी रहेको बताइएको छ ।
कालोपत्रे सडक निर्माण भएसंगै चुरे क्षेत्रमा रहेको धार्मिक तथा एेतिहासिक पर्यटकिय क्षेत्र कैलाश पुरी को समेत बिकास र पर्यटकलाई भित्राउन सके नगरपालिकाको राजश्वमा समेत वृद्धि हुने विश्वास व्यक्त गरिएको छ ।
सडक ६ महिना भित्रमा बनाई सक्ने भए पछि सडक का दायाँ बाया सडक अतिक्रमण गरिएका घर टहराहरु हटाउने सडकको चौडाईमा एकरुपता ल्याउनको लागि नापनक्सा गरेर काम अघि बढाउने निर्णय नगरपालिकाले गरि सकेको वडा नम्बर ८ का वडा अध्यक्ष यज्ञ बिनोद ढुङेलले नेपालवाललाई बताए ।
नगर प्रमुख गणेश प्रसाद प्रसाईं, उप प्रमुख रेणुका पौडेल, सबै वडाका निर्वाचित जन प्रतिनिधि. विभिन्न पार्टीका प्रतिनिधि, समाजसेवी, व्यापारी वर्ग र स्थानीय लगायतका व्यक्तिहरुको उपस्थितिमा छलफल गरि सहमतिकै आधारमा निर्णय गरिएको हो । अबको तीन महिना भित्रमा नगरपालिकाको मापदण्ड अनुसार नगरपालिकाले सडक बिस्तार गर्ने जानकारी प्राप्त भएको छ ।