काठमाडौं, ११ साउन । काठमाडौको कोटेश्वरमा बसले ठक्कर दिँदा एकाविहानै एक जनाकाे मृत्यु भएकाे छ । मृत्यु हुने व्यक्तिकाे परिचय खुल्न नसकेकाे प्रहरीले जनाएकाे छ । मृतक पुरुष भएको तर सनाखत हुन सकेको छैन ।
बाटो काट्दै गरेका व्यक्तिलाई कोटेश्वरमा बसले ठक्कर दिँदा मृत्यु भएको हो ।उनलाई मिनभवनस्थित सिभिल अस्पताल पुर्याइएको थियो । अस्पतालका डाक्टरले उनलाई मृत घोषित गरे ।
बा ४ ख ३२ ५८ नम्बरको बसले उनलाइ ठक्कर दिँदा मृत्यु भएकाे प्रहरीले जनाएकाे छ ।
ठक्कर दिने बससहित बसका चालकलाई प्रहरीले नियन्त्रणमा लिएको छ । थप अनुसन्धान भैरहेको प्रहरीको भनाइ छ ।
