भक्तपुर , १२ साउन । पौडीखेल्ने पोखरी ( स्विमिङपुल)मा डुब्दा शनिवार एकजनाको ज्यान गएको छ । ज्यान जानेमा काठमाडौँका छन्द बहादुर थापा रहेका छन् ।
काठमाडौ घर भै चितवन घुम्न गएका थापाको होटलकै स्विमिङपुलमा डुब्दा ज्यान गएको बताइएको छ । जिल्ला प्रहरी कार्यालय चितवनका अनुसार बूढानीलकण्ठ नगरपालिका-४ नारायणथान घर भएका थापाको शनिवार चितवनको स्विमिङपुलमा डुबेर ज्यान गएको हो ।
उनी चितवनको पर्यटकीय क्षेत्र सौराहामा रहेको होटल रेन फरेष्टमा रहेका थिए । सोही होटलको स्विमिङपुलमा उनलाई बेहोस अवस्थामा फेला पारी चितवन मेडिकल कलेज पुर्याइएको भए पनि उनलाई अस्पतालका डाक्टरले राती करीव ९ बजेको समयमा मृत घोषित गरिदिए ।
केहि दिन अघि मात्र दाङमा पनि पौडी खेल्न गएका एकाघरका ३ दिदीबहिनीको डुबेर ज्यान गएको थियो ।