काठमाडौं । नेपाल प्रेस युनियनले नवौँ महाधिवेशनको मिति तय गरेको छ । युनियनले आफ्नो नवौँ महाधिवेशन आगामी मङ्सिर २८ र २९ गते काठमाडौँमा गर्ने भएको हो ।
अध्यक्ष बद्री सिग्देलको अध्यक्षतामा बुधवार बसेको बैठकले उक्त निर्णय गरेको महासचिव अजयबाबु शिवाकोटीले जानकारी गराए ।
यसैगरी बैठकले युनियनको केन्द्रीय सल्लाहकारमा नेपाल पत्रकार महासङ्घका पूर्वअध्यक्ष डा सुरेश आचार्य, युनियनका पूर्वकेन्द्रीय अध्यक्ष समीरजङ्ग शाह र वरिष्ठ पत्रकार कविर राणालाई मनोनयन गर्ने निर्णय गरेको छ।
त्यसैगरी वुधवार बसेको बैठकले दुवै मिर्गौला फेल भई उपचाररत युनियनका ललितपुर शाखा संस्थापक अध्यक्ष बटुकृष्ण कार्कीको उपचारका लागि सहयोग गर्न सबै शाखाहरुलाई आग्रह गर्ने समेत निर्णय गरेको सीवाकोटीले जानकारी गराएका छन् ।