News Portal

  • बुटवलस्थित नवीन औद्योगिक मावि ४४ औं वर्षमा

    भक्तपुरपोष्ट संवाददाता२२ पुस
    १७५८ पटक
    २२ पुस

    बुटवल । बुटवल देवीनगरस्थित नवीन औद्योगिक कदर बहादुर रीता माध्यमिक विद्यालयले आफ्नो स्थापनाको ४४ औं वार्षिकोत्सव भव्यरुपमा मनाएको छ ।

    मंगलवार प्रदेश नं. ५ का उद्योग, पर्यटन, वन तथा वातावरण मन्त्री लिला गिरीको प्रमुख आतिथ्यमा विद्यालयको ४४औ वार्षिकोत्सव तथा अभिभावक दिवस भब्य रुपमा सम्पन्न भएको हो ।

    कार्यक्रमको उद्घाटन समारोहबा बोल्दै प्रमुख अतिथि एवं प्रदेश नं. ५ का उद्योग, पर्यटन, वन तथा वातावरण मन्त्री लिला गिरीले मुलुकको समृद्धिको आधार सार्वजनिक शिक्षाको सुदृढिकरण भएको बताइन् ।

    समयको माग अनुसार योग्य, सक्षम एवं प्राविधिक जनशक्ति निमार्णमा विद्यालयले गरेको अनुकरणीय अभ्यास अन्य विद्यालयहरुले पनि अनुसरण गर्न योग्य रहेको उनको भनाइ थियो ।

    सबै सामुदायिक विद्यालयहरुलाई नवीन जस्तै बनाउन प्रदेश सरकार कटिबद्ध रहेकामा जोड दिँदै मन्त्री गिरीले सार्वजनिक शिक्षालाई प्रविधि र सीपयुक्त सिकाइसँग जोड्न आवश्यक रहेको बताइन् । विद्यालयको पूर्वाधार विकास निमार्णमा प्रदेश सरकारले सक्दो सहयोग गर्ने उनले प्रतिबद्धता व्यक्त गरिन् ।

    कर्यक्रममा विशिष्ट अतिथि एवं प्रदेश सभा सदस्य भोजप्रसाद श्रेष्ठले शिक्षाका तीन पिलर शिक्षक, विद्यालय व्यस्थापन समिति र विद्यार्थी भएकोले लगनशिल तथा मेहनती शिक्षक सक्रिय विद्यालय व्यवस्थापन समिति र अनुशासित र परिचालित विद्यार्थी भएमा शिक्षामा उच्चस्तर ल्याउन सकिने बताए । शिक्षकको वृति विकासमा सरकारको पनि प्रभावकारी भूमिका हुनु पर्ने उनको धारणा थियो ।

    विद्यालयका व्यवस्थापन समितिका अध्यक्ष कृष्ण प्रसाद खरेलले विद्यालयको सम्पूर्ण ध्यान सूचना प्रविधि र जीवनोपयोगी सीपसहितको शिक्षा सुधारमा रहेको बताए । उनले विद्यालयमा पढ्ने विद्यार्थीको हातमा सर्टिफिकेट सँगै एउटा जीवनोपयोगी सीप दिने विद्यालयको योजना सुनाए ।


    विद्यालयका प्रधानाध्यापक प्रेम बहादुर बस्नेतले विद्यालयका सफलता, समस्या र भावी योजनाका बारेमा प्रतिवेदन पेश गर्दै गुणस्तरीय सिकाइका लागि विद्यालयले विशेष कार्यक्रम लागुगर्न खोजेको बताए । सूचना प्रविधि र सीपयुक्त सिकाइ विद्यालयको अर्जुनदृष्टि भएको उनको जिकिर थियो ।

    कार्यक्रममा प्रदेश सभा सदस्यहरु थान कुमारी थापा, दीपा विक, रमा घर्ती तथा विद्यालयका सल्लाहकार प्राध्यापक आनन्द मान शिह शाक्य, कालिका मानविज्ञान मावि.का प्रअ घनश्याम पाठक, पूर्व रुपन्देहीका जिल्ला शिक्षा अधिकारी टेक बहादुर थापा, राष्ट्रिय मानव अधिकार आयोग क्षेत्रीय कार्यालय बुटवलका नायव निर्देशक पवन कुमार भट्ट, नेपाल शिक्षक महासंघ प्रदेश नं. ५ का सहअध्यक्ष छवी पाण्डे, हिस्टुन ५ नं. प्रदेश अध्यक्ष युवराज न्यौपाने, नेकपा बुटवल उपमहानगरपालिका अध्यक्ष बाबुराम पन्थी, नेपाली कांग्रेस बुटवल उपमहानगरपालिका सचिव ज्योती भण्डारी लगायतले मन्तब्य व्यक्त गरेका थिए ।

    कार्यक्रममा स्वागत मन्तब्य शिक्षक अभिभावक संघका अध्यक्ष मदन विष्टले गरेका थिए ।

    उक्त अवसरमा विद्यार्थीहरुले विभिन्न सांस्कृतिक कार्यक्रम प्रस्तुत गरेका थिए । साथै, एसइइमा उत्कुष्ट ग्रेड प्राप्त गर्ने विद्यार्थीहरु, उत्कृष्ट नतिजा ल्याउने १३ जना शिक्षकहरु र दीर्घ सेवा शिक्षक शोभा नेपाल, तहगत इन्चार्जहरु, पूर्ण छात्रवृतिमा पुल्चोक इन्जिनियरिङ क्याम्पस काठमाडौ, पोखरा विश्व विद्यालय र चार्टड एकाउन्ट तर्पmका विद्यार्थीहरुलाई सम्मान गरिएको थियो ।

    प्रतिकृया दिनुहोस्

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...