News Portal

  • चिसोमा कठ्याङ्ग्रिएर रौतहटमा मात्र २४ को मृत्यु

    इभक्तपुर संवाददाता
    ५०३ पटक

    राैतहट, ७ माघ । रौतहटमा चिसोले मर्नेको संख्या २४ पुगेको छ । चिसोकै कारण ज्यान गएको भनेर आफन्तले प्रहरीमा दर्ता गरेका मृतकको संख्या २४ पुगेको हो । तर, रौतहटका उपरीक्षक यज्ञविनोद पोखरेलले प्रहरीमा दर्ता भएका सबैको मृत्यु जाडोकै कारणले भएको निश्चित नभएको बताए ।

    पोस्टमार्टम रिपोर्टपछि मात्र जाडोबाट या अन्य कारणले मृत्यु भएको यकिन हुने उनको भनाइ छ । चिसोले मृत्यु हुनेको परिवारलाई राज्यले एक लाख रुपैयाँ राहत दिने निर्णय गरेको छ । सरकारी राहतका लागि पनि कालगतिले मरेकालाई चिसोले ज्यान गएको भनेर दर्ता गर्ने क्रम बढेको हुन सक्ने स्थानीय प्रशासनको आशंका छ । पछिल्लो समय जिल्ला प्रहरी कार्यालयमा मृतकको नाम दर्ता गराउन आउनेको संख्या बढ्न थालेको प्रहरी उपरीक्षक पोखरेलले बताए ।

    जिल्ला दैवीप्रकोप उद्धार समिति रौतहटले पोस्टमार्टम रिपोर्टको आधारमा चिसोबाट ज्यान गुमाएका ११ जनाको परिवारलाई जनही एक लाख रुपैयाँका दरले राहत प्रदान गरेको छ । चिसोबाट ज्यान गएको पुष्टि भएकाहरूको परिवारलाई राहत दिइएको रौतहटका सहायक प्रमुख जिल्ला अधिकारी विष्णुरञ्जन बरालले जानकारी दिए ।

    लगातार एक महिनाको शीतलहरले पीडित भएका रौतहटवासीले शुक्रबारदेखि केही राहत महसुस गरेका छन् । शुक्रबार र शनिबार रौतहटमा घाम लागेकाले स्थानीयले राहत महसुुस गरेका हुन् । बिहान–बेलुका बाक्लो हुस्सु र शीतलहरी भए पनि दिउँसो १२ बजेपछि रौतहटका सबैजसो स्थानमा घाम लाग्न थालेको छ ।

    घाम लागेपछि सर्वसाधारण घरबाहिर निस्कन थालेका छन् । चिसोले सुनसानजस्तै बनेका जिल्लाका सरकारी कार्यालयमा पनि सेवाग्राहीको चाप बढ्न थालेको छ । दिउँसो घाम लाग्न थालेकाले कार्यालयमा सेवाग्राहीको संख्यामा वृद्धि भएको चन्द्रपुर नगरपालिकाकी उपमेयर रामरती चौधरीले बताइन् ।

    शुक्रबार र शनिबार दिउँसो घाम लागेपछि चन्द्रनिगाहपुर, गौर, गरुडा, कटहरियालगायत बजारमा चहलपहल बढेको छ । घाम लागेकाले व्यापार–व्यवसायसमेत बढेको चन्द्रनिगाहपुरका स्थानीय व्यापारी रिसब आचार्यले बताए ।

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...