गुटको राजनीतिले आफ्नै राजनीति सक्काएको आलोचना खेपिरहेका माओवादी केन्द्रका ललितपुर जिल्ला इन्चार्ज हरि दाहाल ‘ललित’ले पार्टी परित्याग गर्ने घोषणा गरेका छन् । उनले सामाजिक संजाल फेसबुक मार्फत उक्त घोषणा गरेका हुन् ।

पार्टीको पोलिटव्युरो सदस्यसमेत रहेका ललितले जनयुद्धमा आफ्नो जीवन संगिनीलाइ गुमाउनु परेको थियो भने उनी आफै पनि बाल बालले बचेका नेता हुन् । गुटको राजनीतिले गर्दा चुनावमा आफ्नै उम्मेद्वारी तिलान्जली दिन पुगेका नेता ललित श्रीमती गङ्गा पराजुलीलाइ रास्ट्रिय सभामा पुर्याइदिने आस्वासन दिएका नेताहरुले धोका दिएपछि निरास बनेका थिए ।

उनले बुधवार पार्टी अध्यक्ष प्रचण्डलाई भेटेर पार्टी छोडने बारे जानकारी गराएको पनि बताइएको छ । यद्यपी नेता ललितले फेसबुकमा अन्तिम निर्णय लिन भने बाँकी रहेको बताएका छन् । उनलाइ बाहिरिनबाट नरोके पार्टीले एक जुझारु नेता गुमाउने निस्चित भएको एक जिल्ला सदस्यले जानकारी गराए ।