भक्तपुर, १९ माघ दुईदिने भ्रमणमा नेपाल आएकी भारतीय विदेश मन्त्री सुष्मा स्वराजले शुक्रवार बिहान पूर्वप्रधानमन्त्री तथा माओबादी केन्द्रको अध्यक्ष प्रचण्डसंग भेटवार्ता गरेकी छन । करीब पौने घण्टा चलेको बार्तामा द्धिपक्षीय हितका विषयमा कुराकानी भएको प्रचण्ड निकट श्रोतले जानकारी दिएको छ ।
श्रोत मुताविक प्रचण्डले नेपालको स्थिरता र बिकाशमा हातेमालो गर्न गरेको अनुरोधलाई उत्तर दिदै स्वराजले भारतले नेपालमा हस्तक्षेप नगर्ने बताउदै स्थिरता र बिकाशमा सहयोग गर्न तयार भएको बताएकी थिइन् । स्वराजले बाम गठबन्धन बनाएर जनमत पाएकोमा प्रचण्डलाई बधाई दिदै आगामी सरकारले नेपाली जनताको समृद्धिको सपाना पूरा गर्ने बिश्वास व्यक्त गरेकी छिन ।
यस अघि हिजै उनले एमाले अध्यक्ष केपी ओली र राजपा नेताहरुलाई भेटेकी थिइन् भने आज अपरान्ह भित्र नै राष्ट्रपति विद्यादेवी भण्डारी र प्रधानमन्त्री शेरबहादुर देउवासँग पनि भेटवार्ता गर्ने कार्यक्रम तय भएको छ ।
स्वराज ३ बजे स्वदेश फर्किने कार्यक्रम तय भएको छ ।