काठमाडौं, १ फागुनआजैका दिन २०५२ साल फागुन १ गते तत्कालीन माओवादीले शुरु गरेको जनयुद्धको स्मरण गर्दै बिबिध कार्यक्रमहरु भएका छन । माओबादी आन्दोलनमा टुटफुट भएसंगै २३ औँ जनयुद्ध दिवश आज छुट्टा छुट्टै मनाइएको छ ।
प्रचण्ड नेतृत्वको नेकपा माओवादी केन्द्रले पार्टी कार्यालय पेरिसडाँडामा बिबिध सास्कृतिक कार्यक्रम गरेर मनाएको छ भने मोहन मोहन बैद्य नेतृत्वको नेकपा (क्रान्तिकारी माओवादी) र बिप्लव नेतृत्वको नेकपाले संयुक्त रुपमा राष्ट्रिय सभागृहमा अन्तरक्रिया गरेर जनयुद्ध दिवस मनाइरहेका छन् । सभागृहमा भएको अन्तरक्रिया कार्यक्रममा एमाले संगको एकताको कुरामा असहमती राख्ने माओवादी केन्द्रका नेता गोपाल किराती र विश्वभक्त दुलाल आहुती समेत सहभागी भएका छन् भने अर्का पुर्व नेता लोकेन्द्र बिष्ट मगर पनि पुगेका छन ।
माओबादी केन्द्र एमालेकरण भएको भन्दै असन्तुष्ट नेताहरु आज बैद्य र बिप्लव खोज्दै पुगेका हुन् । नेताहरुले अब क्रान्तिकारीहरु मिलेर बैज्ञानिक समाजबादी क्रान्ति गर्ने बताएका छन ।