News Portal

  • नेपाली सेना दिवस सम्पन्न : यसकारण आए भारतीय सेनापति

    इभक्तपुर संवाददाताकाठमाडौँ, १ फागुन
    ६८० पटक
    काठमाडौँ, १ फागुन

    हरेक शिवरात्रीलाई सेना दिवसको रुपमा मनाउदै आएको नेपाली सेनाले आज आफ्नो दिवस भब्य रुपमा सम्पन्न गरेको छ । नेपाली सेनाले सैनिक मञ्च टुँडिखेलमा बिशेष कार्यक्रमबीच बढाइँ तथा सैनिक कला प्रदर्शनीगर्दै भब्य रुपमा सेना दिवस सम्पन्न गरेको हो ।

    नेपाली सेनाका परमाधिपति राष्ट्रपति विद्यादेवी भण्डारी शिवरात्रि तथा सेना दिवसका अवसरमा आज साँझ सैनिक मञ्च टुँडिखेलमा आयोजित बढाइँ तथा सैनिक कला प्रदर्शनीमा प्रमुख अतिथिका रुपमा सरिक भएकी थिइन ।

    उक्त अवसरमा उपराष्ट्रपति नन्दबहादुर पुन, प्रधानमन्त्री शेरबहादुर देउवा, प्रधानन्यायाधीश गोपालप्रसाद पराजुली, मन्त्रीहरु, प्रधानसेनापति राजेन्द्र क्षत्री, सरकारका उच्च पदाधिकारी, उच्च सैनिक अधिकारीलगायतको उपस्थिति रहेको थियो ।

    पृथ्वी नारायण शाहले नेपाल एकीकरणको गरेको २५० वर्षगाँठका सन्दर्भ भएको भन्दै सेनाले यस वर्षको सेना दिवसको समारोहमा विशेष अतिथिका रुपमा भारतीय सेनाध्यक्षलाई आमन्त्रण गरेको थियो ।

    भारतीय सेनाध्यक्ष विपीन रावत विशेष अतिथिका रुपमा सहभागीसमेत भएर बढाइँ तथा सैनिक कला प्रदर्शनीको अवलोकन गरेका छन । उनी नेपाली सेनाको मानार्थ महारथीसमेत हुन् ।

    सैनिक मञ्चमा बिबिध सैन्य प्रदर्शनीदेखि परेड, तोप तथा राइफल बढाइँ, मार्चपास, फ्री फल जम्पलगायतका कार्यक्रम गरिएको थियो ।उक्त अवसरमा नेपालको नेपाली सैनिक ब्याण्डका अलावा , भारतको गोर्खा रेजिमेन्ट ब्याण्ड र बेलायतको ब्रिगेड अफ गोर्खा ब्याण्डले समेत आ–आफ्ना ब्याण्ड प्रदर्शन गरेका थिए ।

    सेनाको सांगठनिक स्वरुपको शुरुवात १८१९ सालदेखि भएको हो । अहिले नेपाली सेनाको सैन्य जनशक्ति झण्डै १ लाखको हाराहारीमा छ । देशको रक्षाका अलावा बिकाश निर्माण र आपत विपदमा काम गर्दै आएको नेपाली सेनाले संयुक्त राष्ट्रसंघीय शान्ति मिसनमा बिगत ६० बर्षदेखी सेवा पुर्याउदै आएकोले विश्वभर ख्याती कमाएको छ ।

    प्रतिकृया दिनुहोस्

    भक्तपुरमा सरकारी जग्गा देखाइ बैना लिने २ पक्राउ

    bhaktapurpolice

    अरुको जग्गा मात्र नभई सरकारी जग्गा समेत देखाइ बिक्री गर्न बैना लिएको अभियोगमा दुईजना पक्राउ...

    ४ अग्रज जनपक्षीय पत्रकारहरु पुरस्कृत

    सहिद पत्रकार कृष्ण सेन ‘इच्छुक’ को २० औं स्मृति दिवसका अवसरमा प्रेस सेन्टर नेपाल सम्बद्ध...

    ‘माटो जोगाऔं’ अभियानमा भक्तपुरका मेयर र उपमेयरको ऐक्यवद्धता

    save soil

    ‘माटो जोगाऔं’ भन्ने बिश्वब्यापी अभियानमा भक्तपुर नगरपालिकाका मेयर र उपमेयरले पनि ऐक्यवद्धता जनाएका छन् ।...

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...