नेकपा माओबादी केन्द्रले केपी ओली नेतृत्वको बाम सरकारमा सहभागी हुने आफ्ना मन्त्रीहरुबारे टुंगो लगाएको छ । मन्त्री छान्ने जिम्मेवारी पाएका अध्यक्ष पुष्पकमल दाहाल प्रचण्ड, नेता नारायणकाजी श्रेष्ठ प्रकाश र राम बहादुर थापा बादलले एकमतले सात मन्त्री छानेका छन् ।

यसपटक पूर्व रक्षा मन्त्री समेत रहेका नेता राम बहादुर थापा बादलको नेतृत्वमा माओबादी केन्द्र सरकारमा सहभागी हुने भएको छ । बादलले उपप्रधानसहित एक मन्त्रालय लिएर नेतृत्व गर्नेछन् ।

बादलको नेतृत्वमा बर्षमान पुन अनन्त , गिरिराजमणि पोखरेल , शक्तिबहादुर बस्नेत, मात्रिका यादव , बिना मगर र अमनलाल मोदी मन्त्री बन्ने पक्का भएको माओबादी केन्द्रको उच्च श्रोतले बताएको छ ।

मन्त्रालयको बिषयमा भने टुंगो नलागिसकेको बताइएको छ । आकांक्षीहरुले आफ्नो अडान नछोड्दा मन्त्रालय कुन कसको भागमा पर्ने भन्ने टुंगो नभएको हो । इभक्तपुरलाइ प्राप्त जानकारी अनुसार बादलले उपप्रधानसहित उर्जा , अनन्तले गृह , पोखरेलले कृषि सहकारी तथा भुमि ब्यबस्थापन पाउने प्रवल सम्भावना छ ।
त्यसैगरी यादवलाई उद्योग बाणिज्य र आपुर्ती , बस्नेतलाई सहरी बिकाश आवास र खानेपानी , मोदीले बन तथा भू संरक्षण , र बिना मगरले श्रम रोजगार तथा महिला बालबालिका मन्त्रालय पाउने बताइएको छ ।
आइतवार नै माओबादी केन्द्रका यी सात मन्त्रीहरुसहित मन्त्री परिषद बिस्तार हुने श्रोतको दावी छ ।