ललितपुर, ३ चैत ललितपुरमा छात्रा माथि दुर्व्यवहार गर्ने एक प्रधानाध्यापक पक्राउ परेका छन । ज्ञानकुञ्ज बोर्डिङ स्कुलका प्रधानाध्यापक शिव कार्की पक्राउ परेका हुन् ।
गोदावरीमा सोही स्कुलको छात्रावासमा एसईईको तयारीमा रहेकी एक छात्रालाई उनले दुर्व्यवहार गरेको आरोप लागेको छ । उनलाई शुक्रवार राती नै महनगरीय प्रहरी वृत्त सातदोबाटोले नियन्त्रमा लिएर राखेको छ ।
१७ बर्षकी एक छात्रालाई दुर्व्यवहार गरेको उजुरीको आधारमा उनी पक्राउ परेका हुन् । छात्रामाथि दुर्व्यवहारबारे पुष्टि गरेपनि कस्तो खाले दुर्व्यवहार भन्ने प्रहरीले खुलाएको छैन । श्रोतका अनुसार कार्कीले यौन दुर्ब्यवार गरेको छात्राले परिवारलाई बताएपछि उनका अभिभावक प्रहरी समक्ष उजुरी लिएर पुगेका थिए ।
पक्राउ परेका कार्कीबारे थप अनुसन्धान भैरहेको प्रहरीले जानकारी गराएको छ । उनी निजी विद्यालयहरुको संगठन प्याब्सनका ललितपुर जिल्ला अध्यक्ष पनि हुन् ।