News Portal

  • निर्वाचित जनप्रतिनिधि नै तोडफोडमा उत्रिएपछि

    काभ्रे, २६ चैत
    ६८२ पटक
    काभ्रे, २६ चैत

    काभ्रे। जनप्रतिनिधी जनताको सुखदुखको साथी हुन्छ भन्ने आम विश्वासलाई तोड्दै बनेपा नगरपालिका–६ का वडाध्यक्ष सचितानन्द केसीले स्थानिय एक व्यवसायीको पसलमा तोडफोड गरेका छन्। एक हुल यूवासंघका कार्यकर्ता लिएर गएका अध्यक्ष केसीले बनेपामा रहेको खानीखोला हार्डवेयरका प्रोपाइटर सुधिर श्रेष्ठको पसल तोडफोड गरेका हुन।

    एक हुल एमाले निकट यूवा साथमा लिएर गएका रातो ज्याकेट लगाएका केसीले श्रेष्ठको पसलमा राखेका सामान फाल्दै तोडफोडमा उत्रिएका थिए। केसीले पसलमा रहेका श्रेष्ठका परिवारका महिला सदस्यलाई पनि हातपात गरेका थिए। पसलमा सँगै रहेकी श्रेष्ठकी सानी छोरी भने पसलमा तोडफोड हुन लागेपछि भागेको भिडियो पनि सार्वजनिक भएको छ।

    स्थानिय व्यवसायीहरुलाई धम्क्याउँदै आएका केसीले व्यवसायी श्रेष्ठलाई पसल उठाउने धम्की पनि दिदै आएका थिए। आइतवार भने पसलमा आएर कुटपिट तथा तोडफोडमा उत्रिए श्रेष्ठले गुनासो गरे। हार्डवेयर पसलमा क्षतिको कुरा भन्दा पनि जनप्रतिनिधी नै गुण्डागर्दीमा उत्रिए पछि कसरी व्यवसाय गर्नु उनले गुनासो गरे।

    फुटपाथमा रहेको गाडी हटाउन भनेर एक्कासी गुण्डागर्दी शैलीमा उत्रिएका वडा नम्बर ६ का वडाध्यक्ष केसीको व्यवहारको स्थानियहरुले विरोध गरेका छन्। घटनाका एक प्रत्यक्षदर्शीले वडाध्यक्षको शैली हुकुमी तथा निरंकुश प्रकारको भएको बताए।

    प्रशासनको सहयोग लिनुभन्दा यूवाहरु परिचालित गरेर गुण्डागर्दी शैलीमा अध्यक्ष नै तोडफोडमा उत्रनु सभ्य समाजका लागि सुहाउने कुरा नभएको स्थानिय रमेश सापकोटाले बताए। कानुनी कारबाहीमा लागेको भए यस्तो घटना घटदैनथ्यो होला ।

    घटनापछि प्रहरीले दुवै पक्षलाई प्रहरीकहाँ लगेपनि वडाध्यक्ष भने सरकारमा एमाले रहेको शक्ति प्रदर्शन गर्दै रिहा भएका छन्। कुटाइ खाएका तथा व्यवसायमा क्षती व्यहोरेका  हार्डवयर सञ्चालकलाई भने प्रहरीले एमालेको दवावमा प्रहरी हिरासमतमा राखेको छ।

    प्रधानमन्त्री एमालेको केपी ओली भएको अवस्थामा आफूहहरुलाई कुनै पनि प्रहरीले केहि पनि गर्न नसक्ने भन्दै केसीले अन्य स्थानियलाई पनि धम्क्याएका छन्। केसीको धम्कीपछि स्थानियहरु पनि ओलीका कार्यकर्ताले गरिखान समेत नदिने भए भन्दै गुनासो गर्न थालेका छन्। उनीहरुले प्रधानमन्त्री ओलीले यस्ता अराजकहरुलाई कार्वाह्यी गर्छन की पुरस्कृत भनेर आफट्ठूहरु हेरिरहेको समेत बताएका छन्। (हाम्रा कुरा बाट)

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...