News Portal

  • आजको सडक दुर्घटनाको बिवरण

    इभक्तपुर संवाददाताकाठमाडौं, १७ बैशाख
    ४३३ पटक
    काठमाडौं, १७ बैशाख

    मोरङ : सुन्दर हरैचा नगरपालिका–७ गोठगाँउ स्थित पूर्व–पश्चिम राजमार्गमा बा.४ख ६९१९ नम्बरको माइक्रोबस सोमबार अनियन्त्रित भई दुर्घटना हुँदा झापा भद्रपुर नगरपालिका–१५ बस्ने ५१ बर्षीया उमा निरौला र ५२ बर्षीया श्यामा कार्कीको मृत्यु भएको छ । दुर्घटनामा गम्भीर घाइते भएका उनीहरुको गोल्डेन अस्पताल बिराटनगरमा उपचारको क्रममा मृत्यु भएको हो । दुर्घटनामा घाइते भएकाहरु मध्ये ३ जनालाई गोल्डेन अस्पताल बिराटनगर, २ जनालाई ईटहरी सामुदायिक अस्पताल र ५ जनालाई धरान घोपा अस्पतालमा पठाइएको छ ।


    बारा : फेटा गाउँपालिका–२ रहुवाई स्थित ना.१त ५२२८ नम्बरको ट्याक्टरमा सवार पर्सा कालिकामाई गाउँपालिका–२ बस्ने १४ बर्षीय श्रीराम चन्द्र साह सोनार सोमबार ट्याक्टरबाट खस्दा गम्भीर घाइते भएकोले उपचारको लागि जिल्ला अस्पताल कलैया पठाइएकोमा उपचारको क्रममा मृत्यु भएको छ । फरार ट्याक्टर चालकको प्रहरीले खोजतलास गरिरहेको छ ।

    यसैगरी बारा सुवर्ण गाउँपालिका–७ सन्फुलुवा स्थित बिआर ०५पि ०३०९ नम्बरको जिपले भारत पूर्वी चम्पारण बिहार बस्ने २२ बर्षीय अखिलेश बैठालाई आइतबार राति ठक्कर दिदाँ घट्नास्थलमै मृत्यु भएको छ । फरार जिप चालकको प्रहरीले खोजतलास गरिरहेको छ ।

    बाग्लुङ : काठेखोला गाउँपालिका–६ चिसापानी स्थित भित्री सडक खण्डमा ध.१च २०८ नम्बरको जिपले पैदल यात्री सोही गाउँपालिका–७ बस्ने बिष्णु थापाको ४ बर्षीया छोरी दिक्षा थापालाई सोमबार ठक्कर दिदाँ गम्भीर घाइते भएकोले उपचारको लागि अंचल अस्पताल धौलागिरी पठाइएकोमा उपचारको क्रममा मृत्यु भएको छ । जीप र चालकलाई प्रहरीले नियन्त्रणमा लिएको छ ।

    बर्दिया : ठाकुरबाबा नगरपालिका–२ रानिपुर स्थित भित्री सडकखण्डमा सोमबार भे.१ज ८७९ नम्बरको जिपबाट ओर्लने क्रममा लडेर सोही ठाउँ बस्ने ५० बर्षीया चम्पा थापा गम्भीर घाइते भएकोले उपचारको लागी मेडिकल कलेज कोहलपुर पठाइएकोमा उपचारको क्रममा मृत्यु भएको छ । जिप र चालकलाई प्रहरीले नियन्त्रणमा लिएको छ ।

    सिन्धुपाल्चोक : ईन्द्रावती गाउँपलिका–१ डडुवा स्थित भित्रि सडक खण्डमा बा.१७ च ५४७२ नम्बरको बलेरो जिपले सोही ठाउँ बस्ने कसाई तामाङको ३ बर्षीया छोरी अन्जला तामाङलाई आइतबार ठक्कर दिदाँ घटनास्थमै मृत्यु भएको छ । जिप र चालकलाई प्रहरीले नियन्त्रणमा लिएको छ ।

    पर्सा : पर्सागढी नगरपालिका–६ बागेश्वरी तित्रौना स्थित ना.३त ५७२५ नम्बरको ट्याक्टरमा काम गर्ने सोही ठाउँ बस्ने १५ बर्षीय जोगी भन्ने योगेन्द्र सहनी आइतबार ट्याक्टरबाट खस्न गई घाइते भएकोले एडभान्स अस्पताल बिरगंजबाट थप उपचारको लागि काठमाडौं लैजाने क्रममा बाटोमै मृत्यु भएको छ । फरार ट्याक्टर चालकको प्रहरीले खोजतलास गरिरहेको छ ।

    कैलाली : धनगढी उपमहानगरपालिका–३ बोराडाँडी स्थित राजमार्गमा से.३प ३६३५ नम्बरको मोटरसाइकल अनियन्त्रित भई दुर्घटना हुदाँ चालक सोही उपमहानगरपालिका–४ उत्तरबेहडी बस्ने २७ बर्षीय अशोक पाण्डेको घटनास्थलमै मृत्यु भएको छ । दुर्घटनामा मोटरसाइकल पछाडी सवार ३५ बर्षीय किशन चौधरी समेत सामान्य घाइते भएकोले उपचारको लागि सेती अंचल अस्पतालमा लगिएको छ ।
    दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...