News Portal

  • गोरखाको समग्र विकासकालागि गोरखा विकास मंचको घोषणा

    इभक्तपुर संवाददाताभक्तपुर, १८ बैशाख
    ८४६ पटक
    भक्तपुर, १८ बैशाख

    नेपाल राज्यकै ऐतिहासिक बिरासत बोकेको गोरखाको समग्र विकासका लागि गोरखालीहरु संगठित भएका छन् ।

    गोरखाको समग्र विकासका लागि राजधानीमा आज एक कार्यक्रमका बीच गोरखा विकास मंचको घोषणा गरिएको छ । डा हेमराज ढकालको संयोजकत्वमा गोरखा विकास मंचको घोषणा गरिएको हो ।

    गोरखा जन्मथलो भै काठमाडौ उपत्यका वा अन्यत्र बसोबास गर्ने गोर्खालीहरु गोरखाको समग्र विकासका लागि संगठित बनेका हुन् । राजधानीको पकनाजोलस्थित एक होटलमा आयोजित मंचको घोषणा कार्यक्रमको प्रमुख अतिथिमा गोरखाका नेतासमेत रहेका नेकपा माओबादी केन्द्रका नेता एवं पूर्व उपप्रधान तथा गृह त्यसैगरी परराष्ट्र र स्थानीय बिकास मन्त्री नारायणकाजी श्रेष्ठ रहेका थिए ।

    कार्यक्रमलाई सम्बोधन गर्दै नेता श्रेष्ठले देशको बदलिदो राजनैतिक परिदृश्यमा गोरखा जिल्लाको समग्र विकास र सम्वृद्धिका लागि मंचले महत्वपूर्ण भूमिका निभाउने बिश्वास व्यक्त गरे । समाजवादी आर्थिक मोडलको निर्माण गर्न र समानतालाई व्यवहारमै लागू गर्ने कुरालाई मंचले मूलमंत्रको रुपमा लिएर अघि बढ्नुपर्ने उनले बताए ।

    गोरखा समाजले सहकार्य गर्ने

    गोरखा विकास मंचको घोषणा कार्यक्रममा गोरखा समाजका अध्यक्ष महेश गुरुङले मंचको उदेश्य परिपूर्तीका लागि समाजले साथ् दिने प्रतिबद्धता प्रकट गरे । ”मंचसंग समन्वय र सहकार्य गर्दै गोरखाको विकासको लागि योगदान गर्न एकताबद्ध भएर अगाडी बढ्ने प्रतिबद्धता प्रकट गर्दछु ।” उनले भने ।

    मंचको ५ कार्यगत क्षेत्र

    मंचले आफ्नो उदेश्य प्राप्तिका लागि आफ्नो ५ कार्यगत क्षेत्रको घोषणा गरेको छ र प्रत्येक कार्यगत क्षेत्रको नेतृत्व समेत बाँडफाँड गरिएको छ । आर्थिक क्षेत्रको संयोजक राजनविक्रम थापा रहेका छन् । सामाजिक क्षेत्रको जिम्मा उषा लामिछाने ढकाल लाई दिइएको छ । पूर्वाधार क्षेत्रको जिम्मा डा जगत श्रेष्ठलाई परेको छ । त्यसैगरी प्राकृतिक श्रोतको क्षेत्रको संयोजकत्व गणेश श्रेष्ठलाई र समन्वय तथा सुशासन क्षेत्रको संयोजकत्व भने धनबहादुर श्रेष्ठलाई सुम्पिएको छ ।

    सल्लाहकारमा दुई डाक्टर

    घोषणा कार्यक्रममा गोरखा विकास मंचले आफ्नो सल्लाहकारमा डा सुनिलबाबु श्रेठ र डा हरिराम पराजुली रहेको घोषणा गरेको छ । कार्यक्रममा रास्ट्रिय योजना आयोगको निवर्तमान सदस्य समेत रहेका प्राज्ञ सुनिलबाबु श्रेष्ठले मंचको प्रस्तावना एवं उदेश्यमाथि प्रकाश पारेका थिए ।

    गोरखाबाट काठमाडौ आएर विभिन्न पेशा व्यवसाय गरि अस्थायी बसोबास गरिरहेका बुद्धिजिवी, व्यवसायी, कर्मचारी, समाजसेवी, शिक्षक, विद्यार्थी लगायत गोराखाप्रेमीहरुको बाक्लो उपस्थिति रहेको कार्यक्रमको संचालन उषा लामिछाने ढकालले गरेकी थिइन् भने अध्यक्षता मंचका संयोजक डा हेमराज ढकालको रहेको थियो ।

    प्रतिकृया दिनुहोस्

    चारैवटा नगरको नेतृत्व चयनका लागि भक्तपुरमा कांग्रेसका दुई पक्ष भिड्दै, आइतबार नै छिनोफानो

    नेपाली कांग्रेसको  नगर अधिवेशनमा नेतृत्व चयनका लागि भक्तपुरमा चुनावी भिडन्त हुने भएको छ । चारैवटा...

    बाटीको नेतृत्वमा बन्यो एकीकृत समाजवादीको ३१ सदस्यीय भक्तपुर नगर कमिटी

    माधव नेपाल नेतृत्वको नेपाल कम्युनिष्ट पार्टी (एकीकृत समाजवादी)ले भक्तपुर नगर कमिटी बिस्तार गरेको छ ।...

    शासक दलहरु एमसीसी पास गर्ने मौका पर्खिरहेका छन् : गोसाई

    नेपाल मजदुर किसान पार्टीले शुक्रबार चामुण्डा–विन्द्रासैनी नगरपालिकाको जम्मुकाँध बजारमा जुलुस प्रदर्शन तथा सभाको आयोजना गरेको...

    भक्तपुरमा घरेलु फोहरलाई प्रांगारिक मल बनाउने सम्बन्धी तालिम

    भक्तपुर नगरपालिकाले घरेलु फोहरलाई प्रांगारिक मल बनाउने सम्बन्धी तालिम दिएको छ । रिकिसी कम्पोष्ट प्रा.लि....

    लोग्नेस्वास्नी नै लागू औषध कारोबारी, पाँच तहसम्मका कारोबारी पक्राउ गरिएको प्रहरीको दावी

    भक्तपुर प्रहरी लागू औषधको पाँच तहसम्मका कारोबारी पक्राउ गर्न सफल भएको छ । करिब २...