News Portal

  • विद्यार्थीहरु विद्यालय छोडेर यार्सा पाटन तिर

    डोल्पा, १९ वैशाख
    ३९४ पटक
    डोल्पा, १९ वैशाख

    बहुमूल्य जडीबुटी यार्सागुम्बा याम शुरु भएसँगै हिमाली जिल्ला डोल्पाका अधिकांश विद्यालयमा विद्यार्थी संख्या घटेको छ ।नियमित कक्षा छाडेर विद्यार्थी यार्सागुम्बा संकलनका लागि धमाधम उच्च हिमाली पाटनहरु जान थालेको बताइन्छ ।

     

    तल्लो डोल्पाको मुड्केचुला गाउँपालिकामा पर्ने मालिका माध्यमिक वियस वर्ष जेठ १ गतेभित्रै यार्सागुम्बा पाटनहरु खुला गरिने भएपछि विद्यालय जान छाडेर विद्यार्थी यार्सागुम्बा संकलनको पूर्व तयारीमा जुट्न थालेका कारण डोल्पाका विद्यालयमा विद्यार्थी उपस्थिति न्यून बनेको हो ।

    द्यालय नर्कुका प्रधानाध्यापक दीपक गुरुङका अनुसार धेरैजसो विद्यार्थी यार्सागुम्बा संकलनका लागि पाटनतिर लागिसकेका छन् । एक हप्ता अगाडिसम्म खचाखच हुने कक्षाहरु अहिले विद्यार्थी नहुँदा पातलिँदै गएका छन् ।त्यस्तै, मध्यडोल्पाका धेरैजसो आधारभूत र माध्यमिक विद्यालयमा पनि विद्यार्थीको उपस्थितिमा कमी आएको छ ।

    त्रिपुराकोट माध्यमिक विद्यालय मद्धुका आधारभूत र माध्यमिक तहका कक्षाहरुमा पनि १० प्रतिशत जति विद्यार्थी घटेको विद्यालयले जनाएको छ ।विद्यार्थी संख्या घट्दै गए पनि पठनपाठन सञ्चालन भइरहेको शिक्षक शोभाकान्त पौडेलले जानकारी दिए ।

    विद्यार्थी नियमित आए शिक्षकहरु पढाउनका लागि तयार रहेको समेत उनले बताए ।तर सरस्वती मावि दुनै र आदर्शमा मावि जुफालमा भने विद्यार्थीको संख्यामा कमी आएको छैन ।

    सरस्वती मावि दुनैमा पनि पहिलो त्रैमासिक परीक्षाको तयारी भइरहेकाले विद्यार्थी संख्या नघटेको प्रधानाध्यापक सत्यनारायण सिंहले जानकारी दिए।

    जेठ १ गतेदेखि यार्सागुम्बा पाटनहरु खुला गर्ने भए पनि जेठ २ गतेदेखि पहिलो त्रैमासिक परीक्षा राखिएकाले पनि अहिले नै विद्यार्थीको उपस्थितिमा कमी नआइसकेको आदर्श मावि जुफालका प्रधानाध्यापक पूर्णबहादुर डाँगीेले जानकारी दिए ।जेठ पहिलोसातादेखि भने सबै विद्यार्थी यार्सागुम्बा संकलनका लागि पाटनतिर जाने भएकाले डोल्पाका सम्पूर्ण विद्यालय बन्द हुने गर्छ ।

    यार्सागुम्बा संकलन गरेरै डोल्पाली विद्यार्थीले वर्षभरिको पढाइ खर्च जुटाउने गर्छन् ।
    विगतका वर्षहरुमा जेठको दोस्रो सातादेखि खुला गरिँदै आएका डोल्पाका यार्सागुम्बायुक्त हिमपाटनहरु यो वर्ष भने जेठ १ गतेदेखि नै खुला गरिने भएका छन् ।

    बहुमूल्य जडीबुटी यार्सागुम्बा टिप्न यतिखेर डोल्पाली विद्यार्थीमात्र होइन छिमेकी जिल्ला जाजरकोट, जुम्ला, सुर्खेत, दैलेख, बाँके र रामेछाप जिल्लाबाट समेत डोल्पाका पाटनहरुमा जानका लागि आउने क्रम शुरु भएको बताइन्छ ।

    प्रतिकृया दिनुहोस्

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...

    सिनामंगलस्थित सेन्ट्रल कलेजमा विद्यार्थीका लागि विशेष कार्यक्रम

     सिनामंगलस्थित सेन्ट्रल कलेजमा नयाँ भर्ना भएका विद्यार्थीका लागि स्वागत कार्यक्रम सम्पन्न भएको छ । स्नातक...

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...