News Portal

  • मन्त्री पोखरेलको अनुपस्थितिमा मन्त्रालयमा महाभारत : कर्मचारीले कर्मचारी कुटेपछि यस्तो माग

    इभक्तपुर संवाददाताभक्तपुर, २८ बैशाख
    ९५१ पटक
    भक्तपुर, २८ बैशाख

    शिक्षा, विज्ञान तथा प्रविधि मन्त्रालयमा बिहीवार कर्मचारीले नै कर्मचारी कुटेका छन् । आक्रोसित अवकाश प्राप्त एक विद्यालय कर्मचारीले मन्त्रालयमा कार्यरत निजामती कर्मचारीलाई कुटेका हुन् ।

    मन्त्रालयका विद्यालय कर्मचारी प्रशासनका उपसचिव विदुरराज गिरी ७३ बर्षिय गोविन्द बहादुर पौडेलको आक्रमणमा परेका छन् । स्थायी नियुक्ति पाएका पौडेल एक महिना देखि पेन्सन सुविधा माग गर्दै शिक्षा विज्ञान तथा प्रविधि मन्त्रालय, अर्थ मन्त्रालय, प्रधानमन्त्री कार्यालय र राष्ट्रिय मानव अधिकार आयोग धाइरहेका थिए । बिहीवार सोही बिषयमा मन्त्रालयका उपसचिव गिरीसंग भनाभन भएपछि आक्रोसमा आएका पौडेलले टेबलमा रहेको जगले प्रहार गरेका थिए ।

    कार्यालय समय सकिनै लाग्दा अन्दाजी ४: ४५ बजे उक्त घटना भएपछि मन्त्रालयमा झगडा हेर्नेहरुको ठूलै भीड जम्मा भएको थियो । पेन्सन माग गर्दै मन्त्रालय पुगेका पौडेल एक्कासी आक्रामक बनेपछि सिंहदरवार वृत्तको  प्रहरीले उनलाई पक्राउ गरेको एक प्रत्यक्षदर्शीले इभक्तपुरलाई जानकारी गराए । पौडेललाई रातभर महानगरीय प्रहरी वृत्त अनामनगरमा राखिएको छ । उनीमाथि मुद्दा चलाउने तयारी भैराखेको प्रहरीले बताएको छ ।

    पौडेलले भने उपसचिव गिरीले आफूमाथि अभद्र व्यवहार गरेको र बुवासमान मानिसलाई अपमान गर्दा रीसको पारो बढेको जिकिर गरेका छन् । उनले कम्युनिष्ट भनिने सरकारले सर्वोच्च अदालतले समेत आदेश गरेको श्रमको मूल्य माग्न जाँदा आफूलाई परिबन्दमा पारेर प्रहरी खोरमा पुर्याएको दावी गरे ।

    यता, कर्मचारी संघसंगठनले भने उपसचिव गिरीमाथि कार्यकक्षमै भएको आक्रमणको भत्सर्ना गरेका छन् । बिहीवार बेलुकी नै एक बिज्ञप्ती निकाल्दै निजामती कर्मचारीको आधिकारिक ट्रेड युनियन शिक्षा विभागीय कार्यसमिति सहित कर्मचारी संघ संगठनले सिंहदरवार भित्रै कर्मचारी असुरक्षित हुनु दुखद भएको भन्दै आक्रमणकारी व्यक्ति / समुहलाई हदै सम्मको कारवाही गर्न र घाइतेको शिघ्र उपचारको व्यवस्था मिलाउन सरकारसंग माग गरेकाे कर्मचारी नेता शिवराज पोख्रेलले जानकारी गराएका छन् ।

    हेर्नुस् ट्रेड युनियनको बिज्ञप्ती

     

    शिक्षा, विज्ञान तथा प्रविधि मन्त्री गिरीराजमणि पोखरेलले घटनाको बिषयले आफूलाई गम्भीर बनाएको इभक्तपुरसंग बताएका छन् । उनले आफू बिहीवार एक कार्यक्रमको सिलसीलामा महोत्तरीमा रहेकोबेला मन्त्रालयमा दुखद् घटना घट्न पुगेको भन्दै आफूलाई यस्ले निकै चिन्तित बनाएको बताए ।
    ”विद्यालय कर्मचारीले न्याय नपाउनु र न्यायको नाममा आक्रमणमा उत्रनु दूवै कुराले म उत्तिकै दुखी छु । म सधै सत्य र न्यायको पक्षमा छु, कानुनले जे भन्छ त्यही हुन्छ ।” इभक्तपुरसंग उनले भने ।

    प्रतिकृया दिनुहोस्

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...