जनकपुर, २८ बैशाखनेपालको २ दिने भ्रमणका लागि भारतीय प्रधानमन्त्री नरेन्द्र मोदी नेपाल आइपुगेका छन । एयर इन्डियाको जहाज चढेर उनी जनकपुर आइपुगेका हुन् ।
जनकपुर आउने मोदी पहिलो भारतीय प्रधानमन्त्री समेत बन्न सफल भएका छन । उनलाई जनकपुर बिमानस्थलमा रक्षा मन्त्री इश्वर पोखरेलले स्वागत गरेका थिए ।
भ्रमणमा आएका भारतीय प्रधानमन्त्री नरेन्द्र मोदीलाई प्रधानमन्त्री केपी शर्मा ओलीले जानकी मन्दिरमा स्वागत गरेका छन् । पहेलो बस्त्र कुर्ता पाइजामा धारण गरेर आएका मोदीलाई स्वागत गर्न जानकी मन्दिर पुगेका प्रधानमन्त्री ओलीले पनि कुर्ता, पाइजामा र ढाका टोपी लगाएका छन ।
दुवै प्रधानमन्त्रीले भक्तिपूर्वक जानकी मन्दिरमा पूजा अर्चना गरेका छन । जनकपुरमा मोदीलाई हेर्न २ नम्बर प्रदेशका अलावा सीमा नजिकका भारतीय बस्तीबाट समेत मानिसहरु आएका छन ।
भारतीय प्रधानमन्त्री नरेन्द्र मोदी जनकपुरमा ओर्ले पछि हेलिकप्टरले सुरक्षागस्ती भइरहेको छ । जानकी मन्दिर र बाह्रविघा वरपर नेपाली सेनाको हेलिकप्टरले सुरक्षा गस्ती गरिहेको छ ।
प्रधानमन्त्री मोदी जानकी मन्दिरमा पूजा गरेर बाह्रविघा नागरिक अभिनन्दनका लागि जानेछन् ।बाह्र विघामा विहानै देखि स्थानीय जनता गएर बसिरहेका छन् ।
विहान ८ वजे देखि नै भित्र पसेका छन् । मोदी जनकपुरमा आइसकेपछि बाह्र बिघा मैदानमा अब आउ जाउ गर्न दिइने छैन ।
माओवादी केन्द्रका नेता एबम् मन्त्री मातृका यादव, एमालेका नेता एबम् मन्त्री रघुवीर महासेठ, नेपाली काँग्रेसका नेता विमलेन्द्र निधि, राजपा नेपालका नेता राजेन्द्र महतो, संघीय समाजवादी फोरम नेपालका अध्यक्ष उपेन्द्र यादव लगायत १० वजे देखि नै मञ्चमा बसिरहेका छन् ।
लाइभ लिङ्क हेर्नुस्
https://www.facebook.com/missdiyako/videos/1126524810823757/