News Portal

  • साथीलाई पिसाब खुवाउनेलाई पिसाब नै खुवाएर प्रअले कारवाही गरेको खुलासा

    प्रज्वल पौडेलरामेछाप, ५ जेठ
    ८७२ पटक
    रामेछाप, ५ जेठ

    लिखु तामाकोसी गाउँपालिकाको झट्टेश्वर माध्यामिक विद्यालयका प्रधानाध्यापक केबलबहादुर तिमिल्सिनाले विद्यार्थीलाई निर्घात कुटपिट गरी पिसाब खुवाएको खुलेको छ ।

    पीडित विद्यार्थीले शुक्रबार प्रहरीमा उजुरी दिएपछि घटना सार्वजनिक भएको हो । गाउँपालिका अध्यक्ष गोविन्दबहादुर खड्काका अनुसार प्रधानाध्यापक तिमिल्सिनाले ७ कक्षामा पढ्ने वुद्ध तामाङ र लाक्पा तामाङलाई कुटपिट गरी पिसाब पिउन बाध्य बनाएका हुन् ।

    प्रधानाध्यापक तिमिल्सिनाले भने उछृङ्खल गतिविधि गर्ने विद्यार्थीलाई सामान्य कारबाही गरेको बताएका छन् । उनका अनुसार जेठ १ गते वुद्ध, लाक्पा र गणेश बुढाथोकीले आफ्नै साथी साङविर तामाङलाई मिनरल वाटर बोतलमा पिसाब र थुक मिसाएर खुवाएको विद्यालय प्रशासनमा खबर आयो । त्यसपछि उनीहरुलाई कारबाहीस्वरुप त्यही पानी पिउन दिएको र नमाने पछि पाइपको टुक्राले हिर्काएको तिमिल्सिनाले बताए ।

    ‘मैले जेष्ठ १ गते कक्षा ७ मा अध्ययनरत तीनजना विद्यार्थी मिलेर आफ्नै साथीलाई मिनरल वाटरको बोतलमा थुक र पिसाब मिसाएर खुवाएको विद्यालय प्रशासनमा जानकारी आएपछि पानी वा पिसाब के हो छुट्याउन त्यहि बोतलमा भएको पानी पिउन दिएको हुँ ।’ उनले भने -‘बोतलको पानीमा थुक्ने र पिसाब फेर्ने व्यक्तिले खाएपनि सँगै हिडेका अर्को एक विद्यार्थीले पिउन नमानेपछि कारबाही गर्छु अब,पिसाब फेरेर खुवाएको हो कि होइन सत्य भनिस् भनेँ केही गर्दिन भनेपछि मात्र पिसाब मिसाएको कुरा दुइ विद्यार्थीले स्वीकारे । त्यसपछि उनीहरुलाइ सामान्य कुटपिट सजाय दिएको हो ।’

    कारबाहीको क्रममा बोतलको पानी वुद्ध तामाङ र लाक्पा तामाङले पिएको र गणेश बुढाथोकीले पिउन नमानेपछि मात्र पिसाब भएको खुलेको उनले बताए । उनले कक्षा ९ कि छात्रा ममिता तामाङलाई जेठ २ गते साथीसंग झगडा गरेको भन्दै कुटपिट गरेका छन् । प्रधानाध्यापक तिमिल्सिनाले ममिता गाजा खाएर विद्यालय आउने र साथीहरुसंग झगडा मात्र गर्ने गरेकाले गालामा पाँच चट्कन हानेको बताए ।

    प्रधानाध्यापकमाथिको गुनासोको विषयमा छलफल गर्न विद्यालय व्यवस्थापन समितिको बैठक बोलाएको थियो । यसैबीच तामाकोशी गाउँपालिकाका प्रमुख गोविन्दबहादुर खड्काले प्रधानाध्यापकले विद्यार्थीलाई पिसाब खुवाउनु जघन्य अपराध भएको बताएका छन् ।

    विद्यार्थीलाइ पाइपले पिटेको र पिसाब खाएपछि बमिट गरेको उजुरी आएपछि हेर्दा प्रधानाध्यापक बस्ने डेक्समुनी पाइपसमेत भेटिएको गाउँपालिका प्रमुख खड्काले जानकारी दिए । प्रधानाध्यापक जस्तो जिम्बेबार व्यक्तिले गल्ती गर्ने विद्यार्थीलाइ कारबाहि गर्ने प्रक्रिया अन्य हुँदा हुदै यस्तो अपराधिक सजाय दिन नहुने उनको भनाइ छ ।साथै ति प्रधानाध्यापकलाई जिम्मेवारीबाट हटाएर कारवाही गरिएको छ । प्रधानाध्यापकको गतिविधीप्रति आक्रोशित हुदै अभिभावक र विद्यार्थीको मास जम्मा भइ बिहीबार कार्यालयमा आएर उजुरी गरेपछि विद्यालय ब्यबस्थापन समितिका अध्यक्ष समेत रहेका खड्काले शुक्रबार बिहान आकस्मिक छलफलका लागी प्रधानाध्यापक र पिडित विद्यार्थीलाइ बोलाए ।

    आवश्यक सोधपुछ र छलफलका लागी बोलाइएको बैठकमा प्रधानाध्यापक उपस्थित नभएपछि विद्यालय ब्यबस्थापन समितिको बैठकले सहायक प्रधानाध्यापकलाइ निमित्त प्रधानाध्यापकको जिम्मेवारी तोकेर तिमल्सिनालाइ प्रधानाध्यापकको पदबाट हटाइएको गाउँपालिका अध्यक्ष खड्काले बताए ।

    ‘कसैले बिष खुवायो भन्दैमा अर्को व्यक्तिलाइ बिष खा भन्न मिल्दैन । गल्ती गर्नेलाइ कानुन बमोजिम कारबाहि हुन्छ ।’ खड्काले भने -‘ यस्तो घटना भएपछि अभिभावक विद्यालय व्यवस्थापन समितिलाइ बोलाएर छलफल गरि अगाडी बढ्न सकिन्थ्यो ।’ खड्काले गाउँपालिका र प्रहरी प्रशासनमा प्रधानाध्यापकको विरुद्ध उजुरी समेत परेकाले कानुन बमोजिम छुट्टै कारवाहिको प्रक्रिया अगाडि बढ्ने समेत जानकारी दिए।

    प्रतिकृया दिनुहोस्

    सानोठिमी क्याम्पसको प्राध्यापक संघमा प्राडा श्रेष्ठको नेतृत्वमा नयाँ कार्यसमिति

    त्रिभुवन विश्वविद्यालय प्राध्यापक संघको सानोठिमी क्याम्पस इकाई समितिले नयाँ नेतृत्व पाएको छ । प्राडा माधव...

    क्रिप्टोकरेन्सीलाई मान्यता पाउनुपर्ने माग गर्दै सर्वोच्चमा रिट दर्ता

      डिजिटल मुद्रा क्रिप्टोकरेन्सीलाई मान्यता पाउनुपर्ने माग राखी सर्वोच्च अदालतमा बिहीबार रिट निवेदन दर्ता भएको...

    नागरिकता विधेयक पास भए नेपालमा लेन्डुप दोर्जेहरुको जन्म हुन्छः प्रेम सुवाल

    नेपाल मजदुर किसान पार्टीका सांसद प्रेम सुवालले नागरिकता विधेयक पास गर्नु राष्ट्रघाती काम हुने बताएका...

    नागरिकता विधेयकबारे संसदमा चर्काचर्की

    राष्ट्रपति विद्यादेवी भण्डारीले फिर्ता पठाएको नागरिकता विधेयक सरकारले जस्ताको तस्तै पास गर्ने तयारी गरेपछि त्यसको...

    भेटाएको नागरिकता दुरुपयोग गरी ठगीगर्ने तीन जना पक्राउ

      भेटाएको नागरिकता दुरुपयोग गरी कम्पनी खोलेर ठगी कार्यमा संलग्न तीन जनालाई प्रहरीले पक्राउ गरेको...