News Portal

  • भक्तपुरले थर्काएपछि पेरिस डाडाँमा यस्तो प्रभाव

    नेपालवाल संवाददाताभक्तपुर, ८ जेठ
    ५९११ पटक
    भक्तपुर, ८ जेठ

    सानो जिल्ला भक्तपुरले पेरिस डाडाँमा आफ्नो प्रभाव देखाएको छ । नेपाल कम्युनिष्ट पार्टीको केन्द्रिय कार्यालय रहेको पेरिस डाँडामा भक्तपुरका नेता र कार्यकर्ताको कारण बेपत्ता योद्धाहरुलाई नबिर्सने बाचा गरिएको हो ।

    नेकपा एमाले र माओबादी केन्द्रको एकता भएर जेठ ३ मा नेपाल कम्युनिष्ट पार्टी बनेपछि नजिकिएको जेठ ७ को बेपत्ता योद्धा दिवस नेकपाले मनाउला कि नमनाउला भन्ने धेरैले चासोका साथ् हेरेका थिए ।

    १९ बर्ष अगाडी २०५६ जेठ ७ गते बिहान टेबहाल काठमाडौंको डेराबाट तत्कालिन नेकपा माओबादीका नेताहरु दण्डपाणी न्यौपाने, नवीन गौतम, मिलन नेपाली र कमला शर्मालाइ तत्कालिन सरकारले गिरफ्तार गरि बेपत्ता बनाएपछि नेकपा माओबादी केन्द्रले बेपत्ता योद्धा दिवस मनाउदै आइएको थियो ।

    यसै सन्दर्भमा भक्तपुरमा जिल्ला पार्टीको स्वीकृतिमा योङ्ग कम्युनिष्ट लिगले भक्तपुरका बेपत्ता योद्धा तथा शहित परिवारको सम्मानमा कार्यक्रम तय गरेपछि नेताहरु ठुलै तनावमा परे ।

    केन्द्रले कार्यक्रम नराखेको अवस्थामा जिल्लाको कार्यक्रममा आउन नेकपाका सचिवालय सदस्य समेत रहेका गृहमन्त्री रामबहादुर थापा बादललाई निकै असमन्जस पर्यो । उनले अघिल्लो रात १ बजे आफू आउन नसक्ने बताएपछि भक्तपुरे नेताहरु आक्रोसित बने । उनीहरुले बेपत्ता योद्धा र शहिदलाई बिर्सेर देखाउन चुनौती दिएपछि बादल झन् झस्किए ।

    बाम गठबन्धन गरेर चुनावमा होमिदा भक्तपुरले बाम गठबन्धन तोडिएको घोषणा गरेकोले पनि नेताहरु भक्तपुरदेखि सतर्क रहदै आएका थिए । बादलले नेकपाका अध्यक्षद्वय केपी ओली र पुष्पकमल दाहाल प्रचण्डसंग रातारात समाधान खोजेका थिए  ।

    बादल नआएपनि कार्यक्रम गर्ने भक्तपुरले तयारी गरिसकेको थियो तर केन्द्रको दबाबले वाईसीएल केन्द्रिय अध्यक्ष रामप्रसाद सापकोटा दीपसिखा र महासचिव सुबोध सेर्पालीले समेत कार्यक्रम हुने कुरा माया मारिसकेका थिए । केन्द्रको कुरा नमाने आफ्नो केन्द्रिय सदस्य बन्ने सपना धरापमा पर्ने भएपछि अतिथि बनाइएका अध्यक्ष नै नआएको एक वाइसीएल जिल्ला नेताले जनाए ।

    पछि कार्यक्रमको बिहान मात्र आफू आउने बादलले निधो गरे । भक्तपुरको सूर्यविनायकमा उनले भक्तपुरबाट तत्कालिन जनयुद्धको क्रममा बेपत्ता बनाइएका र शहिद भएकाहरुको परिवारलाई सम्मान पत्र समेत दिए । त्यतिमात्र होइन , बिहान नै एक निर्णय गर्दै नेकपाको केन्द्रिय कार्यालयमा समेत नेता सुबास नेम्वाङ्गको नेतृत्वमा बेपत्ता योद्धा दिवस मनाउने समय दिउसो १ बजेलाई तय भयो र नेकपाले बेपत्ता योद्धालाई नबिर्सने बाचा गर्यो ।

    यसले पूर्व एमालेप्रति पूर्व माओबादीहरुको अबिश्वास हटेको एक नेताले बताए । ”जनयुद्ध व्यवहारले नै स्वीकार गरेपछि मन मैलो गरिराख्ने कुरा हुदैन । नेकपा एकढिक्का भएर अगाडी बढ्ने यो शुभ संकेत पनि हो ।” उनले दावी गरे ।

    २०५२ फागुन १ देखि तत्कालिन नेकपा माओबादीले संचालन गरेको जनयुद्धमा १७०० बढी बेपत्ता बनाइएका छन् भने १७ हजार शहिद भएका छन् ।

    हेर्नुस् अझै थामिएका छैनन् आमाका आशुँ

    https://www.facebook.com/Nepalwall/videos/833603240165142/

    प्रतिकृया दिनुहोस्

    कर्मचारीहरु १०-५ मा सीमित नहुने भक्तपुरकी नयाँ सिडिओ शर्माको प्रतिवद्धता

    CDO rudra sharma

    भक्तपुरमा नयाँ कार्यभार सम्हालेकी प्रमुख जिल्ला अधिकारी (सिडिओ) रुद्रादेवी शर्माले कर्मचारीहरु १०-५ को ड्युटीमा सीमित...

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रम अन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...