News Portal

  • सांसद हुन् कि पहलमान : सर्लाहीमा सांसद संजयकुमारले कुटे कर्मचारी

    प्रेमनाथ पाैडेलसर्लाही, ११ जेठ
    ३५७३ पटक
    सर्लाही, ११ जेठ

    सर्लाहीमा एक सांसदले कार्यकारीमाथि कुटपिट गरेका छन् । सर्लाही निर्वाचन क्षेत्र नम्बर ३, प्रदेश ‘ख’ का प्रदेश सांसद संजयकुमार यादबले कार्यकारीमाथि कुटपिट गरेका हुन् ।

    कुटाइ खानेमा कविलासी नगरपालिकाका प्रमुख प्रशासकीय अधिकृत नवीनकुमार श्रीवास्तव रहेका छन् ।

    बुधवार सदरमुकाम मलंगवास्थित एक होटलमा बसिरहेको अवस्थामा दलबलसहित आएका सांसद यादवले अधिकृत श्रीवास्तवलाई रातीको समयमा कुटपिट गरेको प्रत्यक्षदर्शीले बताए । उनले आफूसंग जोरी खोजे राम्रो नहुने चेतावनी समेत दिएकाे बताइएको छ ।

    यस अघि पनि सांसद यादवले श्रीवास्तवमाथि दुर्व्यवहार गरेको भन्दै कर्मचारीहरु आन्दोलित भएका थिए । उनीहरुले सर्लाहीका सबै स्थानीय निकाय ठप्प पारेका थिए ।

    एक हप्ता अघि मात्र प्रदेश सांसद् यादबले आफ्नो घर भएको नगरपालिकाको १० नम्बर वडामा कुनै राम्रो विकास योजना नपारेको भन्दै श्रीवास्तवलाई कार्यकक्षमा थुनेर बिना टिप्पणी जबर्जस्ती योजना पास गर्न तथा सम्झौता र कार्यदेशमा हस्ताक्षर गर्न लगाएका थिए ।

    गालीगलौज र दुर्व्यवहार मात्र होइन,  कुटपिटमा नै ओर्लिन थालेपछि सर्लाहीमा जनप्रतिनिधिको पदलाई पहलमान संग तुलना गर्दै व्यंग्य गर्न थालिएको छ ।

    यस अघि पनि मलंगवा नगरपालिकाका वरिष्ठ इन्जिनियर राज कपुर महतोलाई वडा अध्यक्षहरुले कुटपिट गरेका थिए । त्यसैगरी नै हरिपुर नगरपालिकाका कार्यकारी अधिकृत यादव सापकोटालाई पनि नगरपालिका मेयर जमुरुदिन मंसुरले जबर्जस्ती योजनाको रकम भुक्तानी गर्न लगाएपछि उनले नगरपालिकाको काम छाडेर मन्त्रालय हाजिर भएका थिए । मेयर मंसुरले कार्यकर्तालाई बाड्न बिना योजना २७ लाख रुपैयाँ निकासा गरेको र अन्य योजनाहरुमा पनि लागत अनुमान बिना जथाभावी भुक्तानी गर्न थालेपछि मेयर र कार्यकारी बिच विवाद बढेको कर्मचारीहरूले बताएका छन् ।

    जनप्रतिनिधिहरुले स्थानीय सरकार संचालन ऐनको बारेमा राम्रोसँग अध्ययन नगरेकाले पनि यस्तो समस्या आउने गरेको कर्मचारीहरु बताउँछन् । कर्मचारीहरुले यथास्थितिमा काम गर्न नसक्ने नेपालवालसंग जिकिर गरेका छन् ।

    प्रतिकृया दिनुहोस्

    डाक्टर बास्काेटालाई टिएसके गाेल्डमेडल

    doctor asok baskota

    बि एण्ड बि अस्पताल तथा एचआर डिसी अस्पताल बनेपाका संस्थापक वरिष्ठ अर्थाेपेडिक सर्जन प्रोफेसर डाक्टर...

    भक्तपुरमा नि:शुल्क पानी र मास्क बाड्दै वाइसीएल

    dipshikha

    नेकपा(माओवादी केन्द्र) को सहायक संगठन योङ्ग कम्युनिष्ट लिग नेपाल(वाइसीएल-नेपाल) ले दशैमा उपत्यका बाहिर जाने यात्रीहरुलाई...

    भक्तपुरका पत्रकारले कालो पट्टी बाँधेर निर्वाचनको समाचार संकलन गर्ने

    fnj bhaktapur

    निर्वाचन आयोगले नेपाली सेना र प्रहरीबाट मिडिया अनुगमन गर्ने तयारी गरेपछि पत्रकारहरु विरोधमा उत्रिएका छन्...

    गठबन्धनबाट भक्तपुरको २ प्रदेश क्षेत्र माओवादी केन्द्रले पाउने सचिव पोख्रेलको खुलासा

    बागमती प्रदेश सभाका लागि भक्तपुरमा गठबन्धनबाट  माओवादी केन्द्रले उम्मेदवारी पाउने पार्टी सचिव लीलामणि पोख्रेलले खुलासा...

    दशैंमा सार्वजनिक यातायात ब्यवस्थापनका लागि भक्तपुरको विशेष योजना

    भक्तपुरमा सार्वजनिक यातायातलाई व्यवस्थित बनाउन गुनासो सुन्ने र समाधान गर्ने उदेश्यले यात्रु सहायता कक्ष संचालन...