इनटरनेट सर्च इन्जिन गूगलले नेपालको गणतन्त्र दिवसको सम्मान गरेको छ । गूगलले नेपाली गणतन्त्र दिवसको डूडल बनाएर सम्मान गरेको हो ।

गुगलले विश्वका महत्वपूर्ण अवसरहरुलाइ गुगल डुडल मार्फत सम्झने गर्दै आएको छ । आज जेठ १५ गते नेपालको गणतन्त्र स्थापना भएको ११ बर्षको अवसरमा नेपालीहरुले गणतन्त्र दिवस मनाइरहदा गूगलले पनि डुडल बनाएर सम्मान गरेको देख्न सकिन्छ ।

विश्वभरका गूगल प्रयोगकर्ताहरुले आजको दिनमा गूगलमा प्रवेश गर्ने बित्तिकै आज नेपालमा गणतन्त्र दिवस रहेको जानकारी पाउँछन् ।
गूगलले आफ्नो लोगो राख्ने ठाउँमा आज नेपालको पहिचान झल्कने गरि सगरमाथा, बौद्धधर्मको ध्वजा र नेपालको गणतन्त्र दिवसलाई प्राथमिकता दिएर प्रस्तुत गरेको छ ।

नेपालमा रहेका मात्र नभई बिदेशमा रहेका नेपालीहरुले पनि आज ११ औं गणतन्त्र दिवस समृद्ध नेपालको कामनासहित मनाइरहेका छन् ।