News Portal

  • प्रविधिमैत्री बन्दै हरिवन नगरपालिका : अब अनलाइनबाटै व्यक्तिगत घटना दर्ता सेवा शुरु

    प्रेमनाथ पाैडेलसर्लाही, ११ असार
    १५४४ पटक
    सर्लाही, ११ असार

    सर्लाहीको हरिवनमा अनलाईन मार्फत व्यक्तिगत घटना दर्ता सेवा शुरु गरिएको छ । हरिवन नगरपालिका वडा नम्बर ५ ले सर्वप्रथम अनलाईनबाट जन्म, मृत्यु, वसाईसराई लगायतका व्यक्तिगत घट्ना दर्ता गर्न शुरु गरेको हो ।

    वडा अध्यक्ष नागेन्द्र कुमार साहले हरिवन ५ निवासी विनोद र वीर कुमारी घिसिङका छोरा अमन घिसिङको जन्म दर्ता गरी अनलाईन सेवाको आरम्भ गरिएको वडा सचिव वैकुण्ठ भेटवालले बताए । नगरका हरेक वडालाई सूचना प्रविधिमैत्री बनाउने उदेश्यले वडा नम्बर ५ बाट सेवा शुरु गरिएको नगरपालिकाका मेयर गणेश प्रसाईंको भनाई छ । उनका अनुसार अव देखि अनलाईन प्रयोगकर्ताहरुले व्यक्तिगत घट्ना दर्ता गर्न वडा कार्यालय धाई रहनु नपर्ने भएको छ । जहाँसुकै वसेर पनि अनलाईन मार्फत व्यक्तिगत घट्ना दर्ता गर्न सकिने नगरपालिकाले जनाएको छ । मेयर प्रसाईंले यस्को प्रभाव हेरेर अन्य वडामा पनि क्रमश बिस्तार गर्दै जाने जानकारी दिए ।

    अनलाईन प्रविधिको बिकाश भएको भैता पनि अझै ग्रामिण भेगका नागरिकलाई भने प्रविधिबारे जानकारी नहुँदा केही कठिनाइ हुनसक्ने स्थानीय श्रवण कुमार लोप्चनले चिन्ता व्यक्त गरेका छन् । प्रविधिको सदुपयोगका लागि तालिम र अभिमुखीकरण आवश्यक रहेको उनी बताउँछन ।

    अनलाईनबाटै काम हुने भएपछि पछिल्लो पुस्ताका युवाहरु भने उत्साहित भएका छन् । अहिलेको इन्टरनेटको युगमा प्रविधिमैत्री नगरपालिकाको बासिन्दा बन्न पाउदा आफूहरूमा खुसी छाएको स्थानीय बुद्धिमान घलानले बताए ।

    निरन्तर खबरका लागि हाम्रो फेसबुक पेज लाइक गर्नुहोस्

    https://www.facebook.com/Nepalwall/

    प्रतिकृया दिनुहोस्

    यातायातमा जोरबिजोर प्रणाली लागू हुने सिडिओ शर्माको आदेश

    CDO rudra sharma

    काठमाडौँ उपत्यकाभित्र चल्ने यातायातमा जोरबिजोर प्रणाली लागू गरिएको छ । कोभिड नियन्त्रणका लागि भन्दै प्रमुख...

    समाजवादी प्रेस संगठन भक्तपुरको अध्यक्षमा कार्की, सचिवमा चौलागाईं

    नेपाल कम्युनिष्ट पार्टी (एकीकृत समाजवादी) निकट समाजवादी प्रेस संगठन नेपाल भक्तपुरको नेतृत्वमा पत्रकार दिनेश कार्की...

    जाँतोलाई भन्दा हातोलाई सकसक

    लोकतन्त्रको आधारस्तम्भ आवधिक निर्वाचन हो । तर, आवधिक निर्वाचन गर्नु मात्रै सबै कुरा भने होइन...

    भक्तपुर युनाइटेड भयो लिग च्याम्पियन

    भक्तपुर युनाइटेड फुटबल क्लब जिल्ला लिग फुटबल-२०७८ को च्याम्पियन बनेको छ । भक्तपुर जिल्ला फुटबल...

    कक्षा १० को परीक्षा नियन्त्रकमा रायमाझी

    सानोठिमीस्थित परीक्षा नियन्त्रण कार्यालयको प्रमुखमा अर्जुनबहादुर रायमाझी नियुक्त भएका छन् । उप सचिव रायमाझी राष्ट्रिय...