नेपाल कम्युनिष्ट पार्टी (ने क पा)का अध्यक्ष प्रचण्डको जीवन संगिनी सीता दाहालको उपचार पश्चात आज बेलुका ९ बजे स्वदेश फर्किएका छन् । त्रिभुवन बिमानस्थलमा (ने क पा)का नेताहरु पुगेर स्वागत गरेका थिए ।

सिंगापुरस्थित एमटि. एलिजाबेथ अस्पतालमा प्रचण्डको जीवन संगिनी सीता दाहालको रोगको पहिचान गरी उपचार पश्चात स्वास्थ्य स्थितिमा राम्रो सुधार आएको बताइएको छ ।

उनलाई Progressive Supranuclear Palsy (PSP) भएको उपचारमा सम्लग्न चिकित्सकहरुले जनाएका जानकारी प्राप्त भएको छ । तीन महिनासम्मको वाटर थेरापी र औषधी सेवन पछि रोगको निदान हुँदै जाने चिकित्सकहरुको भनाई रहेको छ ।

रोगको पहिचान भएको र निदान हुने कुराले अध्यक्ष प्रचण्ड र उनको परिवारका साथै कार्यकर्ता एवं शुभचिन्तकमा आशा जगाएको छ । विभिन्न स्थानमा गरिएको परिक्षणमा रोगको ठोस पहिचान हुन सकेको थिएन ।