भक्तपुर, १६ साउनआफ्नै छोराको घाँटी काटेर हत्या गर्ने बाबु पक्राउ परेका छन ।
मंगलवार राती अन्दाजी १२ बजेको समयमा संगै सुतीरहेका १७ बर्षिय छोरा सागर चापागाईको हत्या गरेको आरोपमा प्रहरीले बाबुलाई बक्राउ गरेको हो ।
पक्राउ पर्नेमा मोरङ सुनबर्षा नगरपालिका वडा नं १ घर भई हाल जिल्ला भक्तपुर मध्यपुर ठिमी नगरपालिका वडा नं १ लोकन्थली रमाईलो चोकमा शिब प्रशाद पौडेलको घरमा डेरा गरी बस्ने बर्ष ४० को डिल्लीराम चापागाई रहेका छन ।
दाउले घाँटीमा काटि हत्या गरी एक तल्ला माथिबाट हाम फाली फरार भएका डिल्लीराम लाइ तत्काल प्रहरी टोली खटिई गई पक्राउ गरीएको प्रहरीले बताएको छ । डिल्लीरामले घरायसी बिबादका कारणले आफ्नै छोराको बिभत्स हत्या गरेको प्रारम्भिक अनुसन्धानको क्रममा पाइएको महानगरीय प्रहरी परिसर भक्तपुरका प्रवक्ता रेवती रमण पोखरेलले जानकारी दिए ।
अहिले घटनास्थलमा महानगरीय प्रहरी वृत्त ठिमीबाट प्रहरी टोली खटी गई थप अनुसन्धान कार्य गरिरहेको पोखरेलले बताए ।